Sïme jume Käri jak Jehovata testígom naw yayajäpom Liosta santo téwamim weria, junen bechïbo, ka chíchamachisi éntok tülisite a jípuna. Iʼi may béxresi machi itom tekʼkil sagrádopo, wanay sïmetakate ara ama aniá.

Sáylame texwa ke reunionta chúpeko itom Käri jak Jehovata testígom naw yayajäpo emore a tütebare tiyʼya. Beja reunionta chúpeko jume sáylam émom ama naykia itom Käri jak Jehovata testígom naw yayajäpo a tüte bechïbo; jume congregacionpo aneme wepu táywari semánapo tülisim a tutüte. Wepu anciano o siervo ministerial akimam tetʼtexwua jáchisum ika tékiltam wétuana, wepu lista jita bem ya bárewim bíchaka: jíchikna, písom bakxia bechíbo; bankom tatakna éntok am acomodáruana; jume bányomin tülisim am báksiana éntok an desinfectáruana; ventánam éntok espéjom máncham uwʼwana; chúkita wótiana, éntoket paku jita tütena éntok tülisi a tóixnake. Wasúktiapo wëpulaysim sïme itom Käri jak Jehovata testígom naw yayajäpo paku éntok wáixwapo tülisima tutüte. Wepu tékilta úsim makäteko júnelite atam maxtiánake itom jak Jehovata itom adoráruapo yörinake bechïbo (Eclesiastés 5:1).

Jita nasóntuko atam aniánake a tüte bechïbo. Chikti wasúktiampo juka itom Käri jak Jehovata testígom naw yayajäpo paku éntok wáixwapo tüysim at suaka akima bíbicha a jüne báreka jita ama nasónteri éntok jita ama bëye jiba tülisi itom naw yayajäpo jipu bechïbo wanay júneli chëri púxbaw bicha kátim lemaxpo yun tómita gastáruana (2 Crónicas 24:13; 34:10). Wepu Käri jak Jehovata testígom naw yayajäpo ka chíchamachitaka éntok tülisi suáyari may tü lugar itom Liosta adorarua bechïbo. Si tüysi éaka itom ofrecéruako itom Käri jak Jehovata testígom naw yayajäpo jita ama nasónteri tüte báreka, ata bitʼtebona ke itom bechïbo may béxresi machi éntoketʼte tüysi Jehovátate nakʼke (Salmo 122:1). Éntoket, jume géntem jumu comunidadpo joákame jita türitam itom bétana noknake (2 Corintios 6:3).

• ¿Jatchiásute Jehovata itom adoráruapo jiba tülisite a jípunake?

• ¿Jita tékiltam jojoá jumu Käri jak Jehovata testígom naw yayajäpo ka chíchamachisi a jipu bechïbo?