Jume familia Betelpo jomeme tatʼtabuiasi tékilimim jípure juka predicacionta wepula o chë yun paísimpo aniá bechïbo; kuaktiárim, imprimíruaka, líbrom joaka, publicaciónim ériaka o publicaciónim ara jikʼkaixtume éntok ara bitʼtume joaka, éntok chë yun jitʼta.

Wepu Comité Sucursalpo ayúkame tékilta susuaya. Ju Cuerpo Gobernante juka tékilta am mámaka sucursálim bétana wepu comité ama ayúkame mampo a totʼtoja wanay bajʼji o chë ama bepʼpa sáylam tüysi jüneámemak yäri. Bempo am téxwana jáchisu púxbaw bicha weyʼye ama bem anëpo éntok jita obiáchisi ama yew wénakew bétana, wanay júnelim jünenake jita bétanam noknake bemela publicaciónimpo, itom reuniónim éntok itom buewru reunión. Jámak weyo, ju Cuerpo Gobernante sucursáliwim representántem aman bibitʼtua ju Comité Sucursalpo ayúkame am texwa bechïbo jáchisum chë tülisi bem tékiltam wétuanake (Proverbios 11:14). Jumu visítapo wepu reunióntam jojoá wanay ju representante oficínam principálim bitʼtuakäwi wepu etʼtexwarita nonoka jume sucursalta territóriopo joákame utʼtiata am nünake bechïbo.

Congregaciónim aʼaniawa. Sucursalpo jume congragaciónim en jubua náteme jejéwiteria. Kéchim jume precursórim, misionérom éntok jume superintendéntem circuito territóriopom aneme tékiltam wéweria. Buewru reunión organizarua, Käri jak Jehovata testígom naw yayajäpo jojówawim susuaya éntok publicaciónim congregacionimʼmewi an bibitʼtua. Sïme juka tékilta sucursalpo jojówawi aʼania juka predicacionta ka yáteka jiba wétuanake bechïbo (1 Corintios 14:33, 40).

• ¿Jáchisu ju Comité Sucursalpo aneme Cuerpo Gobernánteta aʼania?

• ¿Jita tékiltam jojoá wepu sucursalpo?