“Sïme ju ánia diáblota mampo örek.”(1 Juan 5:19).

“Wa bechïbo ju Liosta Uʼusi äbo yépsak, diáblota yärim lütia báreka.” (1 Juan 3:8, Traducción del Nuevo Mundo.)

Jünenakete jakun bétana yew sïka jume problémam imi ániapo ayúkame (Revelación [Apocalipsis] 12:12).

Razoonimte jípuna wepu che tu ániata böbit bechïbo (1 Juan 2:17).

Jewi, juebena razoonim aayu te bájimte émow nokná:

• Ju Satanasta yaʼut lütisew bicha weyʼye. Jehová a lütia báreka eyʼya juka Satanasta géntemʼmet nésawta. Äpo Satanasta káytapo a ya rókaka a nokʼla éntok a ka tu yälawta tütebare (Hebreos 2:14, Traducción del Nuevo Mundo).

• Jesucristo ju kobanaro Liosta yew puálawi. Ju kobanaro imi ániapo nésaweme tüysi géntem jiökot eʼetua éntok sïmeta a bechïbo jiba waatia. Jesucristo éntok tokti täbuiasi aw weria ka Satanasta bénasi. Lios Jesucrístota nésaw bétana íkay ya rókaka nookak: Äpo ka aw buërialemta éntok polobem jiökolina [...]. Wame géntem jiökot am joame bétana éntok nasʼsuawamta bétana am jínewna (Salmo 72:13, 14).

• Lios ka ara nokïchi. Ju Biblia witʼtílasi a nooka ke Lios jatwey junʼne ka ara nokíchiam nokná (Hebreos 6:18). Wanay Jehovata jita ya rókako lutüriapo a yänake (Isaías 55:10, 11). Äpo wa imi ániapo nésawemta a lütia báreka nokʼla (Juan 12:31).