Etʼtexwari wame imi aneme bechïbo
BARÓPTIAWAME. Ámam náykimtena sección principal platafórmapo púxbapo wame emo baroptia báreme bechïbo, ka täbuisi nokwako. Jume emo baroptia báreme ketuni ke etʼtexwari baróptiawa bétana jikʼkajaka bem asiéntopom jönake sábalapo ketwéytana. Sïme takam toáyam wériwmakem éntok sánkota tüysi bitʼtumta.
JABEM JOJʼJOAME. Jume jábem na jojʼjoame enchim aniá báreka eyʼya. Bem téxwarimem yawʼwa estacionamiéntota bétana, pasíyompo na réxtiwapo, asiéntom wátem bechïbo nunüwapo éntok wate asúntopom.
JITA TÄRURI. Si jita tärurita tiäkateko, Departamento Jita Täruriwe a töixnake. Jita täruko, ámane sika em atʼtiakaw jaria bechïbo. Ket ili uʼusim tärurim teuko i departaméntow bitcha am töixnake. Jewi, i departamento ka usʼsim suaya. Favórtem yawʼwa, bem uʼusim suaya éntok émomakem jiba am jípure.
JOJÖWAPO. Jiókote enchímew jiawa wátemen tüysi bitcha. Awe wate ke are asiéntom wátem bechïbo nüye chë junʼni enchim nawérim bechïbo ket wame áutopo enchímak kateme éntok enchímak joákame o Bíbliata enchímak estudiáruame. Asiéntopo ka em yéxnepo kayte ama tösisíme.
TÉKIL WAME AMA ANIÁ BÁREME. Si empo tékil asambléapo ayúkame aniá báreteko Departaméntow jabe jita Téxwame éntok Servicio Voluntáriowe biche weyʼye.
TÓMITA NÉNENKIWA. Yun jita jinʼnuwa türy asiéntom enchim jípuna bechïbo, jiáwita éntok vidéom éntok juebena wátem servicio asambléata alʼleaka itom jikʼkaixna bechïbo éntok che junʼni Jehovátaw rúpteka enchim donaciónim jume gástom béxtuana éntok sïme aniat juka obra mundialta. Alʼleaka enchim ama anʼna bechïbo sïme asambléapo cájam ama aika contribuciónim watʼtiawapo kaláxkosi bitʼtume. Sïme em ama watʼtiawi utʼtesi a baysawʼwe. Cuerpo Gobernante enchim baysaw bare yáwrata interésim enchim aniaka bechïbo.
WAME KÖKOREME ANIAME. Tüyse at suuwa i departamento KIA EMERGÉNCIAM bechïbo.
NAWRUPTIÁRIM TUA YEWPUÁRIM
EXKUELA EVANGELIZADÓRIM YÁWRATA BECHÏBO. Néjumwame jume precursórim 23 wasúktiam 65kow taxti wériame bem ministériom che yünisi yápiame lomínkopo kúpteyo aman émow naw tóixnake wame ika exkuélaw kapʼpiame. Hora éntok jakun tuá a wënewi plataforma bétana anunciáruana.
Ju Cuerpo Gobernante Jehováta Testígom bétana a yäla
