Ëne jume maxtíriam che béxresi machim Bíbliapo wëme Ili am bitʼlataka en nákwata Jehovata bechïbo che a yöturiak. Te may béxresi machi ke em nákwame che utʼtiata nüsimna (1 Pedro 2:2). Si empo Jehovátaw jëla anëteko a Nokim bétana emo maxtiaka, ju jiba bechïbo jiápsiwa esperanzate are jípunake. Juan 17:3 éntok Judas 21te nooka.

Che Liosta bétana emo maxtiasimeyo, en fe utʼtiata nünake, wanay ämak are a alʼletuana (Hebreos 11:1, 6). Ju fe ítom aniá ítom jiápsita kuaktia bechïbo éntok che tu yóremtunakew bechïbo. Hechos 3:19te nooka.

Pueke wate géntemʼmew jita en täyakawi etʼtexwabäna, buéytuk sïmetakate tu nokimte watemʼmew nok peyʼya. Che jume Bíbliam bétana emo maxtiasimeyo, are am usaruana ­Jehovata bétana nok bechïbo éntok jume tu nokim géntem bechïbo a jípurew bétana. Romanos 10:13-15te nooka.

Bache en wawájim éntok en amigomʼmew jita en täyakawi are a etʼtexwaria. Te ia bétana ámew nokäteko suamsi eaka éntok tüysi am yöreka ámew noknake. Kate am tetʼtexwa ke jita bem sualew ka lutüria; che türina Liosta sïme géntem bechïbo yäbarew bétana ámew nokäteko. Tülisi ámemak emo nüyeteko chërim enchi jikʼkaixbäna. 2 Timoteo 2:24, 25te nooka.

Bíbliam nokätek chëre Lióstaw jëla anʼnake. Chúkula pueke chëre Lióstaw ruktibäna, wanay i may béxresi maachi. Are ­Jehovata atʼtiatu a uʼusi bénasi. 2 Corintios 6:18te nooka.

Kate Liosta Noki estudiota tojʼja (Hebreos 5:13, 14). Wepu Jehovata testígote texwa ke enchi maxtiana juka libro ¿Qué enseña realmente la Biblia? ta usáruaka. Che june emo maxtiako en jiápsiwapo che alʼlewame ayúnake. Salmo 1:1-3 éntok 73:27, 28te nooka.

Awe wate ke jume tu nookim Bíbliampo wëme Jehová ju Lios alʼleri bétanam weyʼye. Si empo wame a nokjikʼkajamemak emo naw tójako, Lióstawe ara rúktinake (Hebreos 10:24, 25). Utʼtiata joatek jiba Jehovata watiamta ya bechïbo, juneli jiba bechïbo jiápsiwamte ara mabetna. Lióstawe rukte: ju che türi en yänakewi. 1 Timoteo 1:11 éntok 6:19te nooka.