Lios júnel a waatia ke jume géntem alʼleaka jiápsana. Äpo géntem nákeka, Buiäta yawʼwak éntok sïme ama ayúkamta. Ka jaikika bëye jita jiökot ëwamta a lütianákew bechïbo. Júnel jume géntem sïmat joakame che tülisi jiápsana. Jeremías 29:11te nooka.

Jita yawra junʼne naw nasʼsuawamta, jume kökuam éntok kokʼkowamta ka uwʼwala. Te jita türi wënake: Ka jaikika bëye Liosta nésaw bechïbo, júnel bechïbo jume oowim nésaweme uwʼwana. Jume Liosta bechïbo tekipanoame yanti anwámtam jípuna éntokim ka kökorina. Isaías 25:8; 33:24 éntok Daniel 2:44te nooka.

Jiökot ëwamta lütinákew bechïbo, Lios sïme jume géntem ka tüwata joame lütiabäre (Sofonías 2:3). ¿Te jatweysu a yäna? Ju Liosta Noki beja a nokʼlátukay jita jume géntem en énriapo jiökot ëtuame. Sïme en énriapo wëme a yew a bitʼtua ke ka jaikika bëye Lios jita ka tüwamta uwʼwa bechïbo. 2 Timoteo 3:1-5te nooka.

Liosta bétanate ito maxtiana a Nokim nokaka. I wepu cártata benʼna jachin wepu átchayria tüysi a uʼúsim nákemʼmew a bitʼtuala. Liosta Noki júnel ítow jiawa jáchinte en énriapo alʼleaka jiápsana éntok jítate yäpo yumala jiba bechïbo jiapsi báreteko. Lutüriapo ka sïmetaka alʼlenake Liosta bétana emo maxtiayo. Te ju ka enchi kom ëtuana, buéytuk sïme juka türi Liosta enchi makbárewi che jita bepʼpunem béxresi maachi. Lucas 6:22, 23 éntok Apocalipsis 14:6, 7te nooka.