Ju Liosta Noki júnel jiawa kete Buiäpo jiba bechïbo jiápsana, jita may türi (Salmo 37:29). I libro 66 ili líbrom jípure. Lios 40 oowim a nokjikʼkajame yew puwʼwak am jióxtenakew bechïbo. Baix mil quiniéntom wasúktiriam simsula Moisesta am jióxtekaw näteka jume bat mamni líbrom, te ju último beja mil noveciéntom wasúktiriam simsula apóstol Juanta am jióxtela näteka. Jume maxtíriam Bíbliapo wëme Lióstam bétanam weyʼye. Äpo a espíritu sántota usarua jume owim a wátiaw jióxtenakew bechïbo (2 Samuel 23:2). Ime oowim Liosta wätiawim jióxtek, ka bem wätiawim. Wa bechïbo, árate júnel jiawa ke Jehová jume Bíbliam yäla. 2 Timoteo 3:16 éntok 2 Pedro 1:20, 21te nooka.

Buéytuk Biblia Jehovata bétana weyʼye. Ika alʼlate suale, buéytuk ju Liosta Nooki ka jijʼjiobe púxbaw äbo wënakew bétana nokäteko. Kabe oʼow o jamʼmut ika ara a joowa (Josué 23:14). Ju Lios sïmem bepʼpa utʼtiakame jiba ara júkay yawʼwa. Isaías 42:9 éntok 46:10te nooka.

Juuneate ke jume Bíbliam Liosta bétanam weyʼye buéytuk ka wate géntem jióxtelame benʼna. Jume Liosta Nokim 450 nokim che bepʼpapom yäri wanáyim juebena millonimpo chíbextiari. Eläposu jume Bíbliam batnätaka jióxteri, jume géntem jita juuneame jachin Buiäta yäri éntok wate jita ama ayúkame bétana Bíbliata jiawmak naw emo weria. Éntoket, wame 40 oowim am jióxtekame ka junen jiawa ke wa senuk jióxtekame ka a lutüria tiyʼyay. * Sïme Bíbliapo Jehovata nakʼwaw ama yew bitʼtu éntok en taxti utʼtiarata jípure géntem jiápsiwamta kuaktia bechïbo. Ia bechïbo juebena géntem tuärim a suale ke jume Bíbliam Liosta Nokimʼme. 1 Tesalonicenses 2:13te nooka.

Jume Bíbliam yun a nonoka jita türim Liosta yäbarew bétana. A nooka juka musälamachik Lios géntem bechïbo jípurewi. A etʼtexwa jachin bat oʼow éntok bat jamʼmut wepu Buia musälamachipom joákay wanáyim a täruk te ket a etʼtexwa jáchinte wanäri bénapo ara jiapsa. Apocalipsis 21:4, 5te nooka.

Jumu Bíbliapo nésawrim, conséjom éntok maxtiriam tülisi ítow wënakew bechïbo weyʼye. Ket ítow nooka jachin Jehová géntetamak aw nüla, wanay i ítow a bitʼtua a jachïnatukawi. Junen bechïbo, jume Bíbliam ítom aʼania Liosta täyanakew bechïbo. Éntoket ítom maxtiá jáchinte ara aw rukte. Salmo 19:7, 11; Santiago 2:23 éntok 4:8te nooka.

Jünakiachisi am juunetua bechïbo Liosta Noki bétana, Jesús versículom ámew nonokay wanay chúkula am tetʼtexway jachin am jiaw bárewi. Júnel ket a maxtiá i folleto ítom che Liosta maxtiriamʼmet bétana juune bechïbo. Lucas 24:27, 45te nooka.

Tua te juneyʼya ke chëre junebäna jume tu nookim Liosta ítow nokbárewi. Junéntaka, wate géntem kátim am türe, wate éntokim oʼomte ia bétana ámew nokwayo. Te kate emo tojʼja ke jume géntem júnel iame enchi kom ëtuana. Bíbliam jiaw bénasi, wame Liosta bétana emo maxtiame áram jiba bechïbo jiápsana. Juan 17:3te nooka.