Araka ny tatitra natao teo aloha, dia nisy lehilahy anankiray nanafika ny mpivory tao amin’ny fiangonana Hambourg-Winterhude, any Alemaina, rehefa vita ny fivoriana andavanandro tamin’ny 9 Martsa 2023. Efa nandratra sy nahafaty rahalahy sy anabavintsika ilay lehilahy no tonga tao amin’ny Efitrano Fanjakana ny polisy. Namono tena ilay nahavanon-doza avy eo. Tena nanohina ny fon’ny Vavolombelon’i Jehovah tao an-toerana sy maneran-tany ny fiaraha-miory sy ny fitiavana ary ny hatsaram-panahy nasehon’ny manam-pahefana sy ny fikambanana maro samihafa ary ny olona maro hafa maneran-tany.

• Mampalahelo fa namoy rahalahy 4 sy anabavy 2 ary zaza anankiray mbola tao am-bohoka isika. Naratra ny renin’io zaza io

• Rahalahy 2 sy anabavy 7 no naratra

• Nisy solontenan’ny sampan’ny Eoropa Afovoany, mpiandraikitra ny faritra roa, ary anti-panahy teo an-toerana tonga nampionona sy nitondra fanampiana ho an’ny mpiara-manompo

Mivavaka ho an’izay rehetra voakasika tamin’iny loza iny isika, satria anisan’ny fianakaviana tafaray. “Manda fiarovana amin’ny andro fahoriana” i Jehovah ary hanampy antsika hiaritra an’izao fotoan-tsarotra izao izy. Ho vitany koa ny hanampy antsika hanohy am-pilaminana ny fanompoantsika.​—Nahoma 1:7.