28 JANOARY 2016
AZERBAÏDJAN
Nafahana Ihany i Irina Zakharchenko sy Valida Jabrayilova Rehefa avy Nogadraina Tsy Ara-drariny
Nafahana tamin’ny 28 Janoary 2016 i Irina Zakharchenko sy Valida Jabrayilova, rehefa avy nigadra 11 volana. Nomelohin’ilay mpitsara atao hoe Akram Gahramanov izy ireo ary nasainy nandoa vola be ho sazy (7000 manat, izany hoe 3932 euros), satria fotsiny hoe nizara bokikely ara-baiboly iray. Nofoanany avy eo ilay sazy satria efa tamin’ny 17 Febroary 2015 izy ireo no notanana am-ponja. Tsy noraharahain’ilay fitsarana ny tenin’ny ONU izay nandidy an’i Azerbaïdjan hanome onitra azy roa vavy noho izy ireo nogadraina tsy ara-drariny.
Na dia mbola tsy salama tsara aza Rtoa Zakharchenko sy Rtoa Jabrayilova, dia faly izy ireo satria nafahana. Efa any an-tranony miaraka amin’ny fianakaviany izy ireo izao.
Mety ho Tianao Koa
VAOVAO
Mitaky ny Hampitsaharana ny Fanagadrana Tsy Ara-drariny ny Vavolombelon’i Jehovah
Nentina toy ny mpanao heloka bevava i Irina Zakharchenko sy Valida Jabrayilova, satria niresaka ny zavatra inoany tamin’ny hafa. Hitana an’ilay teniny hoe tsy manavakavaka fivavahana ve i Azerbaïdjan?
VAOVAO
Nosazina sy Nogadraina i Rashad Niftaliyev fa Nanatrika Fotoam-pivavahana
Fanindroany amin’izao izy no nosazina tato anatin’ny herintaona sy roa volana. Tsy misy lalàna mandrara ny fanatrehana fotoam-pivavahana anefa any Azerbaïdjan.