Nisy oram-be tany Petrópolis, tanàna iray any Rio de Janeiro, any Brezila, tamin’ny 15 Febroary 2022. Niteraka riakam-potaka nahafaty olona ilay izy. Betsaka koa ny trano sy ny fivarotana rava. Nahatratra 26 santimetatra ny rotsakorana tao anatin’ny 24 ora, ary sambany vao nisy hoatr’izany.

• Rahalahy 1 no naratra mafy ary nentina tany amin’ny hopitaly teo an-toerana. Mampalahelo fa lasan’ny riakam-potaka ny zanany lahikely 2 taona ary maty

• Nisy rahalahy 1 koa maty

• Mpitory 86 no nafindra toerana

• Trano 2 no rava

• Trano 15 no simba be

• Efitrano Fanjakana 2 no nisy simba kely

• Komitin’ny Vonjy Rano Vaky iray no natsangana mba handamina ny fikarakarana tra-boina

• Manome sakafo, rano, akanjo, ary fampaherezana ho an’ireo mpiara-manompo tra-boina ny mpiandraikitra ny faritra sy ireo anti-panahin’ny fiangonana

• Mipetraka any amin’ny havany na any amin’ny fianakaviana Vavolombelona hafa aloha ireo rahalahy sy anabavy nafindra toerana

• Manaraka tsara ny toromarika momba ny fiarovana amin’ny COVID-19 ireo manampy tra-boina

Mivavaka ho an’ireo rahalahy sy anabavy tratran’iny loza iny isika. Fantatsika koa hoe ‘hampionona ny fon’izy ireo’ i Jehovah ary ‘hampahery azy ireo’, indrindra fa ireo namoy havan-tiana.​—2 Tesalonianina 2:16, 17.