Nisy oram-be tany amin’ny Fanjakan’i Bahia, any Brezila, tamin’ny 24 ka hatramin’ny 26 Desambra 2021. Tondraka ny rano vokatr’izany, ary olona 640 000 mahery no tratran’ilay izy. Vaky ny tohodrano ka be dia be ny tanàna dibo-drano sy lasa nitoka-monina satria tsy nisy lalana intsony.

• Tsy nisy rahalahy na anabavintsika naratra

• Mpitory 273 no tsy maintsy nafindra toerana

• Trano 109 no nisy simba kely

• Efitrano Fanjakana 3 no nisy simba kely

• Komitin’ny Vonjy Rano Vaky (KVRV) iray no natsangana mba hizara sakafo sy rano ary akanjo

• Mipetraka any amin’ny havany na any amin’ny mpiara-manompo aloha izao ireo mpitory tsy maintsy nafindra toerana

• Manaraka tsara ny toromarika momba ny fiarovana amin’ny COVID-19 ireo mikarakara fanampiana

Hoy ny Rahalahy Marcelo Ambrósio, anisan’ny KVRV: “Tena mampahery anay ny mahita ny fitiavana asehon’ireo rahalahy sy anabavy, ka vao mainka izahay tapa-kevitra ny hanompo bebe kokoa an’i Jehovah.”

Matoky isika fa ho “fialofana azo antoka” ho an’ireo rahalahintsika tratran’iny loza iny i Jehovah.​—Salamo 9:9.