Trano 600, fara fahakeliny, no kilan’ny afo, tao Manaus any Brezila, tamin’ny 18 Desambra, vao mangiran-dratsy. Tsy nisy namoy ny ainy saingy olona 4 no naratra ary maherin’ny 2000 no nafindra toerana.

Nanao tatitra ny sampan’i Brezila hoe tsy nisy rahalahy na anabavy maty na naratra vokatry ny afo. Trano 10 an’ireo rahalahy kosa no kilan’ny afo ka mpitory 18 sy ny fianakaviany tsy Vavolombelona no voatery nifindra toerana. Mikarakara an’izay ilain’ireo mpitory tra-boina ny Komitin’ny Vonjy Rano Vaky ary manaraka ny toromarika omen’ny sampana izy ireo rehefa manao an’izany.

Manantena isika fa hatoky an’i Jehovah foana ireo rahalahy sy anabavintsika tratran’iny loza iny. Toy ny “tendrombohitra fandosirana amin’ny fotoam-pahoriana” ho antsika mantsy izy.—Salamo 9:9, 10.