Faritra avaratr’i Kalifornia sy Orégon

• Nisy afo maherin’ny 700 nipoitra vokatry ny tselatra niisa 14 000 teo ho eo sy noho ny antony hafa. Faritra mirefy 400 000 hektara mahery no nirehitra vokatr’izany, tany avaratr’i Kalifornia sy tany amin’ny toerana sasany any Orégon.

• Lasa tsy mahasalama intsony ny rivotra noho ny setroka sy ny lavenona. Tamin’ny 21 Aogositra, dia voalaza fa anisan’ny faritra naloto rivotra indrindra maneran-tany ny faritra avaratr’i Kalifornia

• Voalaza fa ny roa tamin’ireo afo nirehitra ireo no afo faharoa sy fahatelo lehibe indrindra tany Kalifornia hatramin’izay

• Mpitory 936 no tsy maintsy nafindra toerana vonjimaika

• Trano roa ipetrahan’ny mpiara-manompo no rava

• Komitin’ny Vonjy Rano Vaky iray miaraka amin’ny mpiandraikitra ny faritra sy ny anti-panahy any an-toerana no manampy an’ireo tra-boina

Tena mankasitraka ny fanampiana azony ireo rahalahy sy anabavintsika. Izao no nolazain’ny rahalahy iray: “Tonga dia manao zavatra ny fandaminana mba hanampiana anao, na inona na inona mitranga. Tena fianakaviana iray ihany isika.” Hita avy amin’ny ezaka mafy atao mba hanampiana an’ireo tra-boina tamin’iny loza iny fa tena tsy misy ‘mahasaraka antsika amin’ny fitiavan’Andriamanitra.’—Romanina 8:39.