Nisy mpianatra tao amin’ny lise nitifitifitra ny mpiara-mianatra taminy tao Santa Clarita, any Kalifornia, tamin’ny 14 Novambra 2019. Mpianatra roa no matiny ary telo no naratra. Namono tena izy avy eo.

Mampalahelo fa anisan’ireo ankizy maty ireo i Dominic Blackwell, 14 taona, ary zanaky ny anabavintsika. Nivory tsy tapaka niaraka tamin’ny Ranabavy Nancy Blackwell reniny izy. Manohana sady mampahery ny ray aman-dreniny sy ny zandriny telo ary ny fiangonana ny anti-panahy.

Malahelo be isika noho iny vaovao ratsy iny. Efa tsy andrintsika izay hahatanterahan’ilay fampanantenan’Andriamanitra hoe “hofafany ny ranomaso rehetra ..., ka tsy hisy fahafatesana intsony, sady tsy hisy intsony ny alahelo na ny fitarainana na ny fanaintainana.”—Apokalypsy 21:4.