Arkansas, Mississippi, Louisiane, ary Texas

• Niditra an-tanety tany amin’ny faritra andrefan’i Louisiane ny Rivo-doza Laura, tamin’ny 27 Aogositra 2020. Sokajy fahefatra no misy an’io rivo-doza io. Nahery ny rivotra, ka betsaka ny zavatra simba ary imbetsaka no tapaka ela be ny herinaratra

• Mampalahelo fa anabavy be taona iray no maty rehefa nafindra avy tao amin’ny toeram-pitsaboana iray

• Naratra kely ny anabavy iray hafa

• Mpitory 3 992 no tsy maintsy nafindra toerana

• Trano 10 ipetrahan’ny mpiara-manompo no rava

• Trano 95 sy Efitrano Fanjakana 4 no simba be

• Trano 192 sy Efitrano Fanjakana 16 no nisy simba kely

• Nanangana Komitin’ny Vonjy Rano Vaky iray ny biraon’ny sampan’i Etazonia

• Manampy an’izay mpitory nafindra toerana mba hahita trano ipetrahana azo antoka ny mpiandraikitra ny faritra sy ny anti-panahy any an-toerana

• Vonona handray an’ireo nafindra toerana tany an-tranony ny mpiara-manompo manodidina ny faritra tratran’ilay loza. Samy nanaraka ny fepetra momba ny fiarovana amin’ny COVID-19 ny rehetra nandritra an’izany. Izao no nolazain’ny rahalahy iray nafindra toerana: “Fitahiana avy amin’i Jehovah daholo izao!”

Manampy ny hafa sady manaraka toromarika ireo rahalahy sy anabavy any amin’ireo toerana tratran’ilay rivo-doza, ka ‘mampiseho ny tenany ho mpanompon’Andriamanitra.’—2 Korintianina 6:4.