1 MARTSA 2021
ETAZONIA
Nisy Tafio-drivotra Mahery Be Namely ny Faritra Atsimon’i Etazonia, ka Olona 7 500 Mahery no Voatery Nafindra Toerana
Toerana
Faritra atsimon’i Etazonia
Zava-nitranga
Nisy tafio-drivotra amin’ny ririnina namely ny tapany atsimon’i Etazonia nanomboka tamin’ny 13 Febroary 2021. Tany Texas no tena nahitana fahasimbana be. Betsaka ny trano sy orinasa tsy nisy herinaratra nandritra ny andro maromaro, vokatry ny lanezy sy gilasy ary ny mari-pana ambany loatra. Nivaingana koa ny rano tany anaty fantsona, ka be dia be ny zavatra simba
Vokatr’ilay izy tamin’ny mpiara-manompo
Mpitory 11 no nila naiditra hopitaly
Mpitory 94 no naratra kely
Mpitory 7 650 no nafindra toerana
Zavatra simba
Efitrano Fanjakana 14 sy Efitrano Fivoriambe 1 no simba kely
Efitrano Fanjakana 5 no simba be
Trano 3 224 no simba kely
Trano 113 no simba be
Trano 12 no rava
Fanampiana tra-boina
Niara niasa tamin’ny Komitin’ny Vonjy Rano Vaky misahana ny fanampiana mifandray amin’ny COVID-19 ny mpiandraikitra ny faritra sy ny anti-panahy teo an-toerana mba hanampiana ny mpiara-manompo. Nizara rano fisotro madio, ohatra, ry zareo, dia nanamboatra an’izay trano sy Efitrano Fanjakana nila fanamboarana maika. Nandamina trano vonjimaika ho an’ireo voatery nafindra toerana koa ireo rahalahy. Manaraka tsara ny toromarika momba ny fiarovana amin’ny COVID-19 ireo mikarakara fanampiana
Faly isika hoe mampionona an’ireny mijaly noho ny hetraketraky ny natiora ireny i Jehovah.—2 Korintianina 1:3.
Mety ho Tianao Koa
FANONTANIANA FAMETRAKY NY OLONA
Manampy ny Tra-boina ve ny Vavolombelon’i Jehovah?
Fantaro hoe ahoana no hanampianay ny mpiara-mivavaka aminay sy ny olon-kafa rehetra misy loza.
VALIN’IREO FANONTANIANA ARA-BAIBOLY
Inona no Lazain’ny Baiboly Momba ny Loza Araka ny Natiora?
Sazy avy amin’Andriamanitra ve izy ireny? Mba manampy ny olona tratran’ny loza araka ny natiora ve izy?