Nisy lanezy natevina be sy orana nivatravatra ary rivotra nahery tany Kalifornia, any Etazonia, nanomboka tamin’ny 4 Janoary 2023. Tsy nitsahatra mihitsy ilay rivo-doza dia niteraka tondra-drano sy riakam-potaka. Tapaka koa ny herinaratra. An’arivony no tsy maintsy niala tao amin’ny tranony ary 19, fara fahakeliny, no maty. Nahery be ilay rivo-doza tany amin’ny faritra sasany, ka efa maherin’ny antsasaky ny rotsakorana isan-taona no nilatsaka tao anatin’ny andro vitsivitsy fotsiny.

• Tsy nisy maty ny rahalahy sy anabavy

• Mpitory 199 no nafindra toerana

• Trano 4 no simba be

• Trano 141 no simba kely

• Efitrano fanjakana 23 no simba kely

• Biraon’ny fandikan-teny mitokana 1 no simba kely

• Nitsidika ny fianakaviana tra-boina ny mpiandraikitra ny faritra sy ny anti-panahy teo an-toerana sady nanome izay nilain’izy ireo

• Trano 44 no nohamafisina

• Trano 15 no namboarina

Matoky isika fa ampaherezin’i Jehovah ny mpiara-manompo amintsika ao anatin’izao zava-tsarotra izao.​—Salamo 50:15.