24 SEPTAMBRA 2020
ETAZONIA
Rivo-doza Sally: Tondraky ny Rano ny any Atsimo Atsinanan’i Etazonia
Toerana
Alabama, Floride, ary Mississippi
Zava-nitranga
Niditra an-tanety tany amin’ny faritr’i Alabama ny Rivo-doza Sally, tamin’ny 16 Septambra 2020. Nisy oram-be nikija nandritra ny ora vitsivitsy, ka niteraka tondra-drano
Nahery be ny rivotra, ka betsaka ny trano simba ary tapaka ny herinaratra
Vokany teo amin’ny rahalahy sy anabavy
Mpitory 240 no tsy maintsy niala tamin’ny tranony
Mpitory iray no naratra kely
Zavatra simba
Trano 143 sy Efitrano Fanjakana 11 no nisy simba kely
Trano 12 sy Efitrano Fanjakana iray no simba be
Fanampiana Tra-boina
Komitin’ny Vonjy Rano Vaky roa no miara-miasa amin’ny mpiandraikitra ny faritra sy ny anti-panahy mba hampaherezana ny mpiara-manompo amin’ny alalan’ny Baiboly sy hanomezana an’izay ilain’izy ireo. Manaraka tsara ny toromarika ara-pahasalamana momba ny COVID-19 izy ireo amin’izany.
Nilaza ny anabavy iray fa niady saina be izy taorian’ilay rivo-doza. Tonga ara-potoana anefa ny fanampiana avy amin’ny fiangonana, ka hoy izy: “Misaotra betsaka ny rahalahy sy anabavy aho. Tsapako hoe tena tia sy mikarakara ry zareo.”—1 Jaona 3:18.