Daty: 16-18 Aogositra 2019

Toerana: The Dome at America’s Center, any Saint Louis, Etazonia

Fiteny: Anglisy, kroaty

Tampon’isan’ny mpanatrika: 28122

Tontalin’ny natao batisa: 224

Solontena avy any ivelany: 5000

Sampana nasaina: Afrika Atsimo, Aostralazia, Arzantina, Eoropa Afovoany, Failandy, Frantsa, Grande-Bretagne, Japon, Kanada, Kolombia, Kroasia, Philippines, Polonina, Portogaly, Serbia, Skandinavia, Slovaquie-Tchéquie

Fitantarana: Hoy i Martin Gulley, talen’ny serasera ao amin’ny Metrolink: “Afaka miteny ianao hoe tianao ny olona iray. Afaka miteny ianao hoe tianao ny zavatra iray. Raha mbola tsy asehonao amin’ny ataonao anefa izany dia mbola tsy tena tianao ilay olona na ilay zavatra. Asehonareo Vavolombelon’i Jehovah amin’ny ataonareo ny fitiavanareo. Manetry tena ianareo, dia ny fitiavana no mahatonga ny olona hanetry tena fa tsy hanambony tena. Ity karatra amin’ny akanjoko ity no ahafantarana hoe mpiasan’ny Metrolink aho. Ny anareo indray, fitiavana no amantarana hoe Vavolombelon’i Jehovah ianareo.”

Hoy koa i Jerry Vallely, talen’ny serasera ao amin’ny Bi-State Development (kompania miezaka mampandroso ny toe-karena any Saint Louis): “Tsy hoe mamita asa fotsiny ianareo fa tena mieritreritra ny olona handray soa amin’ilay izy, ohatra hoe ny vahininareo, na ny olon-kafa miara-miasa aminareo, na izahay eto amin’ny Metrolink. Eritreretinareo daholo ny olona miara-miasa aminareo, dia ataonareo izay hahatonga ny asany hahafinaritra kokoa sy ho vita tsara kokoa.”