Nitatra haingana be ny afo tany Maui, nosy ngeza indrindra faharoa any Hawaii, tamin’ny 8 Aogositra 2023, satria notsofin’ny rivotra mahery avy amin’ny rivo-doza tany an-dranomasina. Nopotehin’ilay afo daholo na fitaovam-pifandraisana na trano na orinasa. Nasain’ny manam-pahefana nifindra toerana ny olona tany amin’ny faritra maro. Olona 97, fara fahakeliny, no voalaza fa maty. Miezaka mamono afo kelikely kokoa ao amin’ilay Nosy Lehibe koa ny mpamonjy voina.

Avy amin’ny tatitra voalohandohany nataon’ny rahalahy any an-toerana ny fanazavana eo ambany.

• Mampalahelo fa nisy rahalahy iray be taona maty vokatr’ilay afo

• Mpitory 307 no nafindra toerana

• Trano 42 no potika

• Trano 2 no nisy simba be

• Trano 38 no nisy simba kely

• Efitrano Fanjakana iray no nisy simba kely

• Mampahery ny tra-boina amin’ny alalan’ny Baiboly ny mpiandraikitra ny faritra sy ny anti-panahy, sady manampy an-dry zareo

• Komitin’ny Vonjy Rano Vaky iray no notendrena mba hiandraikitra ny fanampiana tra-boina

Tena miteraka olana be ho an’ny olona maro ny toetrandro ratsy amin’izao andro farany izao, dia mijaly vokatr’izany koa ny rahalahy sy anabavintsika. Efa tsy andrintsika ny fotoana hanesoran’ny Fanjakan’Andriamanitra an’izany.​—Marka 4:39.