Avy be ny orana tany Haïti tamin’ny 2 sy 3 Jona 2023, ka nahatonga tondra-drano be tany amin’ny faritra sasany. Milaza ny tatitra hoe trano an’aliny no tratran’ilay tondra-drano, ary fianakaviana 40 000 latsaka kely no tra-boina tany amin’ny faritra maro tany Haïti. Maherin’ny 13 500 koa ny olona tsy maintsy nafindra toerana, ary nisy 50 fara fahakeliny ny namoy ny ainy.

• Tsy nisy rahalahy na anabavintsika maty

• Rahalahy 1 sy anabavy 1 no naratra

• Mpitory 60 no nafindra toerana

• Trano 1 no rava

• Trano 3 no simba be

• Trano 19 no nisy simba kely

• Tsy nisy simba ny Efitrano Fanjakana na trano ampiasain’ny fandaminana

• Nizara hevitra mampahery avy ao amin’ny Baiboly ny mpiandraikitra ny faritra sy ny anti-panahy any an-toerana, mba hampaherezana an’ireo mpiara-manompo any amin’ny faritra tratran’ilay loza. Manome fanampiana hafa koa izy ireo

• Mandray anjara amin’ny fanampiana tra-boina koa ny fiangonana any an-toerana

Matoky isika hoe homen’i Jehovah hery ireo rahalahy sy anabavintsika tra-boina noho ny tondra-drano any Haïti.​—Salamo 29:11.