Hatomboka any Vélodrome Amédée Détraux any Baie-Mahault, Goadelopy, ilay fivoriamben’ny vondrom-paritra manokana voalohany hoe ‘Torio ny Vaovao Tsara!’, amin’ny 7 ka hatramin’ny 9 Jona 2024. Misy 15 ny fivoriamben’ny vondrom-paritra manokana hatao amin’ny Jona ka hatramin’ny Oktobra 2024. a Io indray ny fivoriamben’ny vondrom-paritra manokana hatao, taorian’ilay valanaretina COVID-19, izay nahatonga ny fivoriamben’ny vondrom-paritra manokana 2020 hajanona.

Rahalahy sy anabavy avy any amin’ny tany samihafa no asaina hanatrika an’ireny fivoriamben’ny vondrom-paritra manokana ireny. Betsaka amin’ireny fandaharana ireny no atao amin’ny teny samihafa, amin’izay mahafinaritra ny mpanatrika rehetra ilay izy. Hatao amin’ny teny anglisy, frantsay, kreôla any Goadelopy, ary espaniola, ohatra, ilay fandaharana any Goadelopy.

Be dia be ny asa atao alohan’ny hahatongavan’ireo solontena avy any ivelany. Misy 8 546 ny rahalahy sy anabavy any Goadelopy, ary efa ho ny antsasany mahery amin’izy ireo no mandray anjara amin’ny asa an-tsitrapo mba handraisana an’ireo rahalahy sy anabavy 1 500 avy any amin’ny firenena 11. Miara-manao asa an-tsitrapo amin’ny vadiny ny anabavy iray, dia hoy izy: “Ity no taona mahafinaritra indrindra teo amin’ny amin’ny fiainako ary ho tadidiko foana. Tiako ilay miara-miasa amin’ireo rahalahy sy anabavy, satria manampy ahy hahita taratra ny fiainana ao amin’ny tontolo vaovao ilay izy. Faly aho hoe anisan’ny fandaminan’i Jehovah!”

Matoky hoatran’ny mpiara-manompo amintsika maneran-tany isika hoe vao mainka hampiray saina ny vahoakan’Andriamanitra sy hanome voninahitra sy haja an’i Jehovah Raintsika, ilay fivoriamben’ny vondrom-paritra manokana 2024 hoe ‘Torio ny Vaovao Tsara!’​—Filipianina 1:27.