Natomboka ny fakana video Ny Tantaran’ny Fanompoan’i Jesosy tamin’ny zoma 20 Mey 2022, rehefa avy niomana be sy nivavaka mafy nandritra ny telo taona isika. Dingana lehibe izany ary faly ireo rahalahy sy anabavy avy amin’ny firenena samihafa mandray anjara amin’io tetikasa io any Aostralia. Hoy ny Rahalahy Geoffrey Jackson, anisan’ny Filan-kevi-pitantanana, izay nanatri-maso an’io fotoana miavaka io: “Faly be aho mahita ny mpiara-manompo mafana fo mikarakara an’ity tantaran’i Jesosy ity, izay haharitra adiny 17 any ho any. Hanohina ny fo sy ny sain’ny olona an-tapitrisany io tantara io.”