4 SEPTAMBRA 2023
VAOVAO IRAISAM-PIRENENA

Miezaka ny Hanam-pinoana fa tsy Saro-tahotra

HANDEFA

Tsy ho ela dia hamoaka didy momba ny Rahalahy Viktor Kudinov sy Sergey Zhigalov ny Fitsaram-paritr’i Gagarinskiy any Sébastopol, any Crimée. Tsy mbola nilaza ny sazy homena azy ny mpampanoa lalàna.

Ilay voampanga

Viktor Kudinov

Teraka: 1969 (tany Budapest, any Hongria)

Mombamomba azy: Saoferana bisy no asany taloha

Nanambady an’i Svetlana tamin’ny 1991. Manan-janaka mianadahy izy mivady

Lasa nianatra Baiboly niaraka tamin’i Svetlana izy rehefa hitany hoe nihatsara ny tokantranon-dry zareo. Natao Batisa i Svetlana tamin’ny 2005 ary tamin’ny 2010 i Viktor

Resadresaka nifanaovana taminy

Nahoana no nampahery anao ny zava-nitranga tamin’ny hafa?

Tena nandinika lalina ny fiainan’ireo rahalahy aho, anisan’izany i Viktor Stashevskiy. Tsy mora ny fiainany satria migadra izy. Hitako tamin’ny taratasy maromaro nalefany ho ahy anefa fa izay hahasoa ny hafa foana no eritreretiny fa tsy ny an’ny tenany. Faly foana koa izy. Tena manome modely tsara ho ahy i Viktor. Be dia be koa ny rahalahy sy anabavy manao hoatr’izany. Efa enjehina ry zareo nefa mbola eo koa ny zavatra hafa mampiady saina azy isan’andro, sady tsy azony ialana. Ohatra hoe ny aretina sy ny asa fivelomana ary ny fikarakarana fianakaviana. Mety mba ho maivamaivana kokoa ry zareo raha hoe mifidy ny tsy hanompo an’i Jehovah intsony. Tsy hisy hanenjika intsony mantsy ry zareo amin’izay. Aleony anefa mifidy ny tsy hivadika amin’i Jehovah sy ny mpiara-manompo aminy. Mahavita miaritra zavatra be dia be ry zareo, dia hitako hoe tsy maintsy ho vitako koa izany.

Sergey Zhigalov

Teraka: 1971 (tany Snezhnoye, any Ukraine)

Mombamomba azy: Mpikarakara fantson-drano no asany taloha

Nianatra Baiboly niaraka tamin’ny Vavolombelon’i Jehovah izy nanomboka tamin’ny 1994. Nahaliana azy ny fahendrena resahin’ny Baiboly sy ireo faminaniana marina tsara ao. Natao batisa tamin’ny 1996

Nanambady an’i Olga tamin’ny 2007

Resadresaka nifanaovana taminy

Inona no nianaranao momba an’i Jehovah tao anatin’ireny zava-tsarotra ireny?

Fantatro hoe vitan’i Jehovah foana ny manao zavatra miavaka mba hiarovana sy hampaherezana ahy na dia avelany hiharam-panenjehana aza aho. Hitako izao hoe tena zava-dehibe ny mitadidy an’ilay voalazan’ny Isaia 30:15 hoe: “Hatanjaka ianareo raha tony foana sy feno toky.” Miaro ahy tsy hieritreritra zavatra tsy hitranga amiko akory io. Raha matahotra mantsy aho dia tsy hazoto hanompo an’i Jehovah. Hoatran’ny hoe manisy sakana ny tenako tsy hanompo an’i Jehovah aho raha avelako hitranga izany. Izany rahateo no tian’i Satana hataoko. Aleoko anefa matoky foana an’i Jehovah. Tony foana aho rehefa manao an’izany satria omeny fiadanana. Dia lasa be herim-po aho vokatr’izany.

Azontsika antoka hoe hotahin’i Jehovah foana i Viktor sy Sergey satria miaritra. “Faly erỳ” mantsy ilay Andriamanitsika “rehefa miadana ny mpanompony.”—Salamo 35:27.

Zava-nitranga

24 Aogositra 2022

Nanomboka ny famotopotorana sy ny fisavana trano. Nosamborina ry zareo ary notanana am-ponja vonjimaika
26 Aogositra 2022

Nafahana ary nambenana tao an-tranony
17 Oktobra 2022

Tsy nambenana tao an-trano intsony fa nomena fameperana
13 Aprily 2023

Nanomboka ny fitsarana

Mety ho Tianao Koa

VAOVAO

Gadraina Noho ny Finoany: Crimée

Gadraina noho ny finoany ny Vavolombelon’i Jehovah any Crimée. Diniho ny tantaran’izy ireo ary ataovy pirinty ny lisitr’ireo Vavolombelona izay migadra amin’izao.

VAOVAO