Nandalovan’ny Rivo-doza Fiona i Porto Rico sy ireo nosy manodidina azy, tamin’ny 18 Septambra 2022. Nahatratra 160 kilaometatra isan’ora ny rivotra nentiny ary nahatratra 75 santimetatra ny rotsakorana. Be dia be ny lalana sy tetezana simba. Tapaka koa ny herinaratra, ka olona an’arivony no tsy nisy jiro. Sarotsarotra ny famatsiana sakafo sy rano ary fanafody an’ireo tra-boina, noho ny fahasimban’ny lalana.

Porto Rico, Saint-Christophe sy Niévès, Nosy Turks sy Caïques

• Tsy nisy rahalahy na anabavintsika maty

• Mpitory 4 no naratra kely

• Mpitory 75 no tsy maintsy nafindra toerana

• Trano 140 no nisy simba kely

• Trano 18 no simba be

• Trano 1 no rava

Repoblika Dominikanina

• Tsy nisy rahalahy na anabavintsika maty

• Mpitory 58 no tsy maintsy nafindra toerana

• Trano 57 no nisy simba kely

• Trano 26 no simba be

• Trano 2 no rava

• Efitrano Fanjakana 2 no nisy simba kely

• Efitrano Fanjakana 2 no simba be

Goadelopy sy Martinika

• Tsy nisy rahalahy na anabavintsika maty

• Mpitory 16 no tsy maintsy nafindra toerana

• Trano 43 no nisy simba kely

• Trano 2 no simba be

• Efitrano Fanjakana 13 no nisy simba kely

• Mitsidika an’ireo fianakaviana tra-boina ny mpiandraikitra ny faritra sy ny anti-panahy eo an-toerana, ary mampahery azy ireo sy manome an’izay fanampiana ilainy

• Efa misy fandaharana atao mba hanampiana ny fianakaviana tra-boina, ohatra hoe hanomezana sakafo sy rano ary fanafody azy ireo, sy hanamboarana ny tranony

• Manaraka tsara ny toromarika momba ny fiarovana amin’ny COVID-19 ireo mikarakara fanampiana

Matoky isika fa hampahery an’ireo rahalahy sy anabavintsika tratran’iny rivo-doza iny ny porofom-pitiavana be asehontsika amin’izy ireo.​—Asan’ny Apostoly 11:29.