23 JANOARY 2024
VAOVAO IRAISAM-PIRENENA

“Tsy Misy Tsy Vitan’ny Manam-pinoana Ange E!”

HANDEFA

Tsy ho ela ny Fitsaram-paritr’i Nakhimov any amin’ny tanànan’i Sébastopol dia hamoaka didy momba ny Rahalahy Maksim Zinchenko. Mbola tsy fantatra ny sazy hangatahin’ny mpampanoa lalàna hampiharina aminy.

Ilay voampanga

Maksim Zinchenko

Teraka: 1992 (Ukraine)

Mombamomba azy: Mpanao sodira no asany

Vavolombelon’i Jehovah ny fianakaviany. Natao batisa tamin’ny 2006

Nanambady an’i Karina tamin’ny 2015

Resadresaka nifanaovana taminy

Inona ny andinin-teny ao amin’ny Baiboly nanampy anao?

Ny Marka 9:23 no anisan’ny andinin-teny tiako indrindra. Milaza ny ampahany amin’izy io hoe: “Tsy misy tsy vitan’ny manam-pinoana ange e!” Mampahery be ahy ireo teny ireo. Dia ireo foana no averimberiko isaky ny hiakatra fitsarana aho na mitebiteby na miady saina. Mangataka herim-po amin’i Jehovah koa aho. Matetika no tsy mampino ahy ny zavatra vitako noho ny fanampian’i Jehovah rehefa mivoaka ny fitsarana aho. Lasa hitako tsara hoe fa maninona aho amin’izao no vao mainka mila mampiasa ny andro tsirairay mba hifandraisana akaiky amin’i Jehovah. Dia matoky aho hoe ho vitako foana ny hiatrika an’izay mitranga eo rehefa eo izy.

Matoky isika fa hamaly soa an’i Maksim sy izay rehetra manohy manao ny sitrapony i Jehovah noho izy ireo be herim-po sy miaritra.—Hebreo 10:35, 36.

Zava-nitranga

17 Mey 2023

Nampangaina ho mpanao heloka bevava satria hoe nandray anjara tamin’ny asan’ny fikambanana mampidi-doza
22 Mey 2023

Nosavana ny tranony. Natao famotorana i Maksim sy Karina. Notanana am-ponja vonjimaika i Maksim
24 Mey 2023

Nafahana i Maksim ary nambenana tao an-tranony
12 Jolay 2023

Nanomboka ny fitsarana azy

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO