Efa 20 taona mahery izay ny Vavolombelon’i Jehovah any Kolombia no nampianatra Baiboly maimaim-poana ny voafonja. Nomen’ny Tobim-pampianaran’i Paulo Freire mari-pankasitrahana izy ireo, tamin’ny 30 Novambra 2018, satria mampianatra Baiboly an’ireo voafonja any Valledupar. Voafonja 50 izao no miantra Baiboly ao.

Mampianatra Baiboly any amin’ny fonja 65 manerana an’i Kolombia ny Vavolombelon’i Jehovah, ary voafonja 782 no ampianariny. Efa 60 izay no natao batisa, hatramin’ny 1996.

Nianatra Baiboly tany am-ponja, ohatra, i Néver Antonio Cavadía ary natao batisa tamin’ny 1998. Nafahana avy tao amin’ny fonjan’i Valledupar izy, tamin’ny 2007. Tena nahasoa azy ilay fianarana. Hoy izy: “Niaro ahy ny toro lalan’ny Baiboly sady nanampy ahy hahay hanapa-kevitra tsara, tamin’izaho tany am-ponja. Ireny koa no nahatonga ahy hiova be sy hanana fanantenana foana.”

Miezaka mitory amin’ny voafonja ny Vavolombelon’i Jehovah maneran-tany, satria fantany hoe sitrapon’i Jehovah “ny hamonjena ny karazan’olona rehetra sy ny hananany fahalalana marina tsara ny fahamarinana.”—1 Timoty 2:4.