Sambany teo amin’ny tantara ny fitondrana any Korea Atsimo no nanapa-kevitra hoe afaka manao fanompoana sivily izay tsy manaiky hanao miaramila, raha tsy eken’ny feon’ny fieritreretany izany. Rahalahy 63 no nanaiky hanao fanompoana sivily, tamin’ny 26 Oktobra 2020, ary nanomboka nanao ny asa nanendrena azy ireo any amin’ny fonja anankiray. Anisan’ny asa asaina ataon-dry zareo, ohatra, izao ny mikarakara sakafo, miantsena, mampianatra, mikarakara ny resaka fahadiovana sy fahasalamana ary ny fikojakojana. Araka ny lalàna, dia mahazo mivoaka ny fonja ireo rahalahy ireo, aorian’ny ora fiasana, rehefa tapitra ny roa volana. Ho afaka hitory sy hivory ry zareo amin’izay. Tsy maintsy miverina mody any amin’ilay fonja anefa ry zareo amin’ny 9 ora alina.

Izao ny nolazain’ny Rahalahy Kim Hyun-soo anisan’ireo 63 manao an’ilay fanompoana sivily: “Na dia tsy manaraka ny fenitra iraisam-pirenena aza ilay fanompoana sivily, dia naleoko nanao an’ilay izy satria tsy misy ifandraisany amin’ny resaka miaramila ilay izy.”

Matoky isika hoe hanome voninahitra sy hidera an’i Jehovah foana ny “asa tsara” ataon’ireo rahalahintsika tsy mivadika any Korea Atsimo ireo.—Matio 5:16.