30 NOVAMBRA 2018
KOREA ATSIMO
Nafahana avy Tany Am-ponja ny Rahalahy Koreanina
Nanao tatitra ny sampan’i Korea hoe rahalahy 57 no nafahana avy tany am-ponja, tamin’ny 30 Novambra 2018, ary tafaraka amin’ny fianakaviany indray izy ireo izao. Faly ny rahalahy maneran-tany tamin’iny zava-nitranga tena niavaka iny, ary midera an’i Jehovah koa izy ireo noho izy tsara fanahy sy mitahy antsika.—Nomery 6:24-26.
Mivavaka ho an’ireo rahalahy fito mbola any am-ponja isika. Manantena izy ireo hoe hafahana rehefa avy migadra enim-bolana, na dia herintaona sy tapany aza ny saziny.
Rahalahy tafahaona amin’ny ray aman-dreniny indray (ankavia sy ankavanana). Rahalahy iray adinadinin’ny mpanao gazety eo ivelan’ny fonja (afovoany).
Mety ho Tianao Koa
VAOVAO
Ela ny Ela ka Hahazo Rariny Ihany Ireo Tsy Manao Miaramila any Korea Atsimo
Nandidy ny fanjakana any Korea Atsimo ny Fitsarana Momba ny Lalàm-panorenana hoe mila manitsy ny Lalàna Momba ny Raharaha Miaramila izy ireo alohan’ny faran’ny taona 2019 mba hahafahan’ny olona hanao fanompoana sivily raha tsy te hanao miaramila izy.