13 JANOARY 2021
MOZAMBIKA
Nandravarava An’i Mozambika ny Rivo-doza Chalane
Toerana
Faritr’i Sofala sy Manica any Mozambika Afovoany. Tratrany koa ireo toerana nandalovan’ny Rivo-doza Idai, tamin’ny Martsa 2019.
Zava-nitranga
Namely ny sisin-tanin’i Mozambika ny Rivo-doza Chalane, tamin’ny 30 Desambra 2020. Be dia be ny zavatra simba vokatry ny tondra-drano sy ny tany nihotsaka.
Vokatr’ilay izy tamin’ny mpiara-manompo
Mpitory telo no naratra
Zavatra simba
Trano 34 no nisy simba kely
Trano 12 no simba be
Trano 16 no rava tanteraka
Efitrano Fanjakana 7 no nisy simba kely
Efitrano Fanjakana 4 no simba be
Efitrano Fanjakana 1 no rava tanteraka
Fanampiana Tra-boina
Notendrena ny Komitin’ny Vonjy Rano Vaky mba hikarakara ny fanampiana teo an-toerana. Nikarakara izay hipetrahan’ireo mpitory nanana trano potika koa ilay komity. Manaraka tsara ny toromarika mifandray amin’ny COVID-19 izy ireo rehefa manao an’izany
Mivavaka foana amin’i Jehovah isika mba hampiany ireo rahalahy sy anabavy tratran’iny rivo-doza iny.—Salamo 121:2.