Namoaka Ny Soratra Grika Kristianina​—Fandikan-tenin’ny Tontolo Vaovao tamin’ny teny nyungwe ny Rahalahy Adão Costa, anisan’ny Komitin’ny Sampan’i Mozambika, tamin’ny 27 Jona 2021. Tamin’ny endrika elektronika no namoahana an’io Baiboly io. Nalaina video mialoha ilay fandaharana ary mpitory 2 600 mahery no afaka nanaraka an’ilay izy. Nalefa tamin’ny tele sy radio maromaro teo an-toerana koa ilay fandaharana.

• Any amin’ny Faritanin’i Tete, any avaratrandrefan’i Mozambika, no tena ampiasaina ny fiteny nyungwe

• Olona 400 000 eo ho eo no miteny nyungwe

• Mpandika teny 6 no nandika azy io nandritra ny 2 taona

Hoy ny Rahalahy Costa: “Tsy nisy tamin’ny teny nyungwe ny Baiboly nandritra ny taona maro. Baiboly tamin’ny teny chichewa àry no nampiasain’ireo rahalahy sy anabavintsika miteny nyungwe. Niteraka olana be anefa izany satria betsaka ny teny tsy mora azo, amin’ny fiteny chichewa, dia lasa diso ny fandraisana azy.”

Hoy ny mpandika teny iray, talohan’ny namoahana an’ilay Baiboly: “Ho faly be izao ny mpitory rehefa hahazo an’io Baiboly io. Hoatran’ny hoe nofinofy ilay izy amin-dry zareo, sady fahagagana avy amin’i Jehovah. Mino aho fa tena hisaotra betsaka an’i Jehovah ry zareo.”

Mivavaka isika mba ho be dia be ny olona tso-po handray soa avy amin’io Baiboly io.​—Apokalypsy 22:17.