6 OKTOBRA 2022
MOZAMBIKA
Nivoaka Tamin’ny Teny Sena ny Fandikan-tenin’ny Tontolo Vaovao
Nivoaka tamin’ny 2 Oktobra 2022 ny Soratra Masina—Fandikan-tenin’ny Tontolo Vaovao, tamin’ny teny sena, ka ny Rahalahy David Amorim, anisan’ny Komitin’ny Sampan’i Mozambika no namoaka azy. a Efa noraisina video mialoha ilay fandaharana, dia nalefa hojeren’ny mpitory tany amin’ny Efitrano Fanjakana nisy azy avy. Nalefa tamin’ny tele sy radiom-pirenena 14 koa ilay izy.
Ny mponina any Mozambika any amin’ireto faritany efatra ireto no mampiasa ny fiteny sena: Manica, Sofala, Tete, ary Zambezia. Ampiasaina any amin’ny faritra sasany any Malawi koa ny fiteny sena.
Any Beira, Mozambika, no misy ny Biraon’ny Fandikan-teny Mitokana Sena
Sambany tamin’ity ny Vavolombelon’i Jehovah vao nahavita nandika ny Fandikan-tenin’ny Tontolo Vaovao iray manontolo tamin’ny fitenin-drazana any Mozambika. Efa nisy boky sasany tao amin’ny Baiboly voadika tamin’ny teny sena talohan’ity, fa lafo be izy ireny sady mampiasa fiteny ntaolo be.
Miara-mifaly amin’ny mpiara-manompo miteny sena isika, satria miavaka be ny fitahiana nomen’i Jehovah azy ireo.—Ohabolana 10:22.
a Sady misy amin’ny endriny elektronika ilay Baiboly no misy vita pirinty.
Mety ho Tianao Koa
FANONTANIANA FAMETRAKY NY OLONA
Manana ny Baiboliny Manokana ve ny Vavolombelon’i Jehovah?
Hanampy anao rehefa mianatra Baiboly ny mampiasa fandikan-teny isan-karazany. Misy zavatra telo mampiavaka ny Fandikan-tenin’ny Tontolo Vaovao.
FOMBA AMPIASANA NY FANOMEZANAO
Hanamboarana An’ilay Boky Tena Miavaka Indrindra
Mety tsy ho araka ny noeritreretinao fa be dia be ny zavatra ilaina rehefa handika sy hanao pirinty ny Fandikan-tenin’ny Tontolo Vaovao, ary hanakambana azy io ho lasa boky.