Niforona tany amin’ny faritra andrefan’ny Oseana Pasifika ny Rivo-doza Gaemi a tamin’ny faramparan’ny Jolay 2024. Na dia tsy tonga hatrany Philippines aza io rivo-doza io, dia niteraka oram-be nandravarava sy tondra-drano ary fihotsahan’ny tany tany Manille sy ny manodidina. Olona 4,8 tapitrisa teo ho eo no tratran’ilay loza. Misy 600 000 no nafindra toerana, ary 39 fara fahakeliny no maty.

• Tsy nisy rahalahy na anabavintsika maty na naratra

• Mpitory 155 no nafindra toerana, ary efa nody izy ireo izao

• Trano 2 no potika

• Trano 11 no simba be

• Trano 42 no nisy simba kely

• Efitrano Fanjakana 11 no nisy simba kely

• Komitin’ny Vonjy Rano Vaky 6 no natsangana mba handamina ny fanampiana tra-boina

• Mikarakara an’izay ilain’ireo tra-boina ny mpiandraikitra ny faritra sy ny anti-panahy, sady mampahery azy ireo amin’ny alalan’ny Baiboly

Mivavaka ho an’ireo tra-boina vokatr’iny rivo-doza iny isika. Mankasitraka an’i Jehovah koa isika satria manohana sy mikarakara an’ireo rahalahy sy anabavintsika izy, ka mahatonga antsika “hilamina sy tsy hitebiteby.”​—Isaia 33:6.