Niditra an-tanety tao Bicol, any amin’ny faritra atsimon’i Luzon, ny Rivo-doza Kammuri, antsoina koa hoe Tisoy, tamin’ny 2 Desambra 2019. Tsy nisy Vavolombelon’i Jehovah maty na naratra. Trano 108 ipetrahan’ny fianakaviana Vavolombelona anefa no simba be ary 478 no nisy simba kely. Efitrano Fanjakana 15 koa no simba.

Tena lehibe ny faritra niharan’ny loza, ka nanangana Komitin’ny Vonjy Rano Vaky valo ny sampan’i Philippines mba hampahery ny mpiara-manompo amin’ny alalan’ny Baiboly sy hanome izay ilain’izy ireo.

Mivavaka ho an’ny rahalahy sy anabavy any Philippines isika, ary mitovy amin’izay nangatahin’ny mpanao salamo no angatahintsika. Hoy izy: “Hamaly ny vavaka ataonao anie i Jehovah, amin’ny andro fahoriana! ... Hanampy anao avy ao amin’ny toerana masina anie izy!”—Salamo 20:1, 2.