3 JONA 2021
REPOBLIKA DEMOKRATIKAN’I CONGO
Navoaka Tamin’ny Teny Alur any Congo Ny Soratra Grika Kristianina—Fandikan-tenin’ny Tontolo Vaovao
Nivoaka tamin’ny teny alur Ny Soratra Grika Kristianina—Fandikan-tenin’ny Tontolo Vaovao tamin’ny 30 Mey 2021. Navoakan’ny Rahalahy Hugues Kabitshwa, anisan’ny Komitin’ny Sampan’i Congo (Kinshasa), ilay Baiboly amin’ny endrika elektronika, nandritra ny fandaharana iray noraisina video mialoha.
Mombamomba An’ilay Tetikasa
Fiteny fampiasa any Afrika Afovoany ny Alur, indrindra fa any amin’ny faritra avaratratsinanan’ny Repoblika Demokratikan’i Congo sy Ogandà, tanàna mifanakaiky aminy
Olona 1 735 000 eo ho eo no miteny alur
Misy 1 500 mahery ny mpitory manompo any amin’ireo antoko-mpitory sy fiangonana 48 miteny alur
Mpandika teny 6 no namita an’ilay izy nandritra ny herintaona
Nilaza ny Rahalahy Christian Belotti, anisan’ny Komitin’ny Sampan’i Congo (Kinshasa), hoe: “Tena ho tian’ny mpitory miteny alur ny hamaky an’ity Baiboly ity. Hanampy azy ireo hanazava tsara ny Soratra Masina izy ity, sady misy hanampian-dry zareo ny hafa mba hahatakatra sy ho tia ny Tenin’Andriamanitra.”—Lioka 24:32.
Mino tanteraka isika fa hanampy ny rahalahy sy anabavy any mba hanohy hitory an’ilay “vaovao tsara mandrakizay” ity Baiboly vaovao ity.—Apokalypsy 14:6.
Mety ho Tianao Koa
FANONTANIANA FAMETRAKY NY OLONA
Manana ny Baiboliny Manokana ve ny Vavolombelon’i Jehovah?
Hanampy anao rehefa mianatra Baiboly ny mampiasa fandikan-teny isan-karazany. Misy zavatra telo mampiavaka ny Fandikan-tenin’ny Tontolo Vaovao.
FOMBA AMPIASANA NY FANOMEZANAO
Hanamboarana An’ilay Boky Tena Miavaka Indrindra
Mety tsy ho araka ny noeritreretinao fa be dia be ny zavatra ilaina rehefa handika sy hanao pirinty ny Fandikan-tenin’ny Tontolo Vaovao, ary hanakambana azy io ho lasa boky.