31 MEY 2021
REPOBLIKA DEMOKRATIKAN’I CONGO
Nisy Volkano Nipoaka Tany Goma, dia Olona An’arivony no Voatery Nifindra Monina
Toerana
Ny tanànan’i Goma, any amin’ny Repoblika Demokratikan’i Congo
Zava-nitranga
Nipoaka ny Volkano Nyiragongo tamin’ny asabotsy 2 Mey 2021. Any amin’ny Faritany Kivu Avaratra, akaikin’ny tanànan’i Goma, no misy azy io. Olona an’arivony no voatery nandositra an’ilay faritra nitrangan’ilay loza
Vokatr’ilay izy tamin’ny mpiara-manompo
Mpitory 2 000 no nitsoaka nankany amin’ny tanàna hafa tsy lavitra eo
Mpanompo manontolo andro manokana 35 no voatery nifindra toerana mandritra ny fotoana tsy maharitra
Trano simba
Tranona mpiara-manompo 29, fara fahakeliny, no rava
Fanampiana tra-boina
Misy Komitin’ny Vonjy Rano Vaky (KVRV) iray any voatendry handrindra ny fanampiana tra-boina. Miara-miasa amin’ny mpiandraikitra ny faritra sy ny anti-panahy eo an-toerana io komity io mba hamantarana hoe inona avy no simba vokatr’ilay volkano sy mba hanampiana an’ireo rahalahy sy anabavy
Mifanaraka amin’ny toromarika momba ny fiarovana amin’ny COVID-19 daholo ny ezaka rehetra atao mba hanampiana ny tra-boina
Marina fa betsaka ny rahalahy sy anabavintsika namoy ny tranony. Faly anefa isika hoe tsy nisy naninonaninona ry zareo. Mivavaka ho an-dry zareo foana isika sady matoky hoe miantehitra amin’i Jehovah ry zareo ao anatin’izao “andro fahoriana” izao.—Nahoma 1:7.
Ranoka volkano mikoriana avy amin’ilay volkano dia mandravarava an’ilay tanàna eo akaiky eo
Mety ho Tianao Koa
FANONTANIANA FAMETRAKY NY OLONA
Manampy ny Tra-boina ve ny Vavolombelon’i Jehovah?
Fantaro hoe ahoana no hanampianay ny mpiara-mivavaka aminay sy ny olon-kafa rehetra misy loza.