5 Febroary 2024
ROSIA

“Ankino Amin’i Jehovah ny Lalanao”

HANDEFA

Tsy ho ela dia havoakan’ny Fitsaram-paritr’i Shadrinskiy any Kourgan ny didim-pitsarana mahakasika ny Rahalahy Aleksandr Lubin. Mbola tsy namoaka sazy ho an’ny Rahalahy Aleksandr aloha izao ny mpampanoa lalàna.

Ilay voampanga

Aleksandr Lubin

Teraka: 1956 (Ogonek, Faritanin’i Kourgan)

Mombamomba azy: Injeniera tamin’ny resaka aro loza tao amin’ny orinasa mpamokatra herinaratra, ary efa misotro ronono

Nanambady an’i Tatyana tamin’ny Aogositra 2001. Manan-janaka roa izy mivady

Nanomboka nianatra Baiboly tamin’ny Vavolombelon’i Jehovah i Tatyana. Rehefa tapaka lalan-dra anefa izy, dia i Aleksandr no namaky Baiboly ho an’azy ka lasa liana tamin’ilay izy. Samy natao batisa tamin’ny 2003 i Aleksandr sy Tatyana ary ireo zanany anankiroa

Manaintaina be i Aleksandr satria voan’ny aretin’ny tonon-taolana ny taola-maojany anankiroa, dia mila tehina izy rehefa mandeha. Marary koa izy satria tsy miasa tsara koa ny hery fiarovany

Resadresaka nifanaovana taminy

Inona no nanampy anao handresy ny hakiviana tamin’ianao notanana am-ponja vonjy maika?

Tena tsy mora aloha ilay notanana am-ponja vonjimaika e! Tsy navela hahazo an’izay fanafody mampitony fanaintainana amin’ilay aretin’ny tonon-taolana aho. Nivavaka sy nangataka tamin’i Jehovah aho tamin’ny voalohany hoe mba ho afaka haingana. Nangataka taminy anefa aho tatỳ aoriana mba hampiany hanam-paharetana sy hanana fo tony. Imbetsaka koa aho no nivavaka ho an’ireo rahalahy sy anabavy migadra. Niezaka nitadidy aho hoe mandalo fotsiny ihany izao fitsapana izao. Nifantoka tamin’ny fitahiana efa nomen’i Jehovah ahy aho, dia nanampy ahy ho falifaly foana izany. Nafahana tao amin’ilay fitanana am-ponja vonjimaika ihany aho. Nampahery ahy ny voalazan’ny Salamo 37:5 hoe: “Ankino amin’i Jehovah ny lalanao; miantehera aminy, dia hanampy anao izy.” Resy lahatra aho hoe tsy hamela antsika hiatrika an’izay fitsapana tsy zakantsika i Jehovah. Raha mbola matoky azy sy miantehitra tanteraka aminy isika, dia hanampy antsika foana izy mba hahavitantsika hiaritra.

Matoky koa isika hoe hahavita tsy hivadika hoatran’i Aleksandr isika na dia mijaly be aza, raha mbola miantehitra amin’i Jehovah.—Isaia 38:14.

Zava-nitranga

13 Jolay 2021

Nampangaina ho mpanao heloka bevava
14 Jolay 2021

Nosavana ny tranon’ny Vavolombelon’i Jehovah valo. Nosamborina i Aleksandr, dia natao famotorana, ary nampidirina am-ponja vonjimaika
16 Jolay 2021

Nafindra tany amin’ny trano iray fitanana am-ponja vonjimaika
19 Jolay 2021

Nampakatra an’ilay raharaha teny amin’ny fitsarana satria narary mafy
28 Aogositra 2021

Nafahana i Aleksandr ary norarana tsy hanao dia lavitra, taorian’ny fitakiana nataon’ny Fitsarana Eoropeanina Momba ny Zon’olombelona sy ny olon-kafa mpiaro ny zon’olombelona
14 Jolay 2023

Nanomboka ny fitsarana azy
7 Septambra 2023

Nahemotra ilay raharaha teny amin’ny fitsarana satria niditra hopitaly i Aleksandr

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO