18 AOGOSITRA 2021
ROSIA

Falifaly Foana ny Ranabavy Viktoriya Verkhoturova na eo aza ny Fiampangana Azy

HANDEFA

Zava-nitranga

Nomelohin’ny fitsaram-paritr’i Priokski, any Nijni Novgorod, ny Ranabavy Viktoriya Verkhoturova, tamin’ny 29 Novambra 2021. Sazy mihantona efa-taona no azony. Mbola tsy nampidirina am-ponja aloha izy izao
17 Jolay 2020

Tsy nahazo nankany an-tany hafa i Viktoriya
26 Martsa 2020

Nampangaina ho mpanao heloka bevava i Viktoriya
17 Jolay 2019

Nisy polisy folo sy mpanao famotorana iray nanao savahao ny tranony nandritra ny adiny dimy. Natokan’izy ireo efitra i Viktoriya fa tsy nampiarahiny tamin’i Sergey, vadiny. Niezaka nampitahotra an’i Viktoriya ireo polisy ka niresaka taminy hoe hoatran’ny ahoana ny haratsin’ny fiainana any am-ponja

Ilay voampanga

Viktoriya Verkhoturova

Teraka: 1976 (Ouzbékistan)

Mombamomba azy: Manana rahavavy roa ary izy no faravavy. Mpitsabo mpanampy no asany. Tia milomano sy mianika tendrombohitra

Efa hatramin’ny mbola kely no natahotra fahafatesana sy niasa saina hoe fa maninona no fohy kely ny fiainana. Lasa te hianatra Baiboly tamin’ny Vavolombelon’i Jehovah rehefa nahita sarina paradisa sy nahalala hoe mbola hofoanana ny fahafatesana. Natao batisa tamin’ny 1998. Nanambady an’i Sergey tamin’ny 2001

Resadresaka nifanaovana taminy

Inona no manampy anao ho falifaly foana sy tsy hanahy be loatra?

Ankoatra an’ilay hoe mamaky Baiboly sy manao teny vakina isan’andro, dia nanomboka nihaino foana an’ireo hira ao amin’ny Tele JW izahay. Nataoko tanjona koa isan’andro ny hoe hivavaka amin’i Jehovah mba homeny fifaliana sy hampiany ho tia ny fahavaloko. Izany no mahatonga ahy ho falifaly foana.

Nahoana no nanatsara ny fifandraisanao tamin’i Jehovah ny zavatra niainanao?

Vao mainka lasa tena nisy i Jehovah tamiko. Ray be fitiavana sy tsara fanahy izy, ary hitako mihitsy hoe manohana anay mivady. Mivavaka aho dia tsapako hoe eo akaikinay eo izy rehefa any amin’ny fitsarana izahay. Tony tsara aho sady tsy matahotra.

Nisy andinin-teny nanampy anao hiaritra sy ho falifaly foana ve?

Salamo 118:6, 7. Mampahatsiahy ahy ireo andininy ireo hoe tsinontsinona ny fahavalontsika raha oharina amin’ilay Mpamorona an’izao rehetra izao. Izy no mifehy ny zava-drehetra, ary tsisy olombelona hahavita hisakana azy tsy hanatanteraka ny sitrapony. Voaro aho satria eo an-tsandriny!

Ampian’i Jehovah ireo rahalahy sy anabavintsika any Rosia ka falifaly foana, na dia enjehina aza. Fantatsika hoe homeny “fifaliana sy fiadanana” foana izy ireo.—Romanina 15:13.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO