23 APRILY 2024
ROSIA

Faly Manompo An’i Jehovah

HANDEFA

Tsy ho ela ny Fitsaram-paritr’i Pervomayskiy any Ijevsk, any Oudmourtie, dia hamoaka didim-pitsarana momba ny raharaha mahakasika ny Rahalahy Yevgeniy Stefanidin sy Aleksandr Votyakov. Tsy mbola nilaza ny sazy homena azy ireo ny mpampanoa lalàna.

Ireo voampanga

Yevgeniy Stefanidin

Teraka: 1989 (Ijevsk)

Mombamomba azy: Mpivarotra trano sy tany

Zanaka Vavolombelon’i Jehovah i Yevgeniy. Maty ny bebeny tamin’izy folo taona. Nahatonga azy hifandray akaiky kokoa tamin’i Jehovah ny fanantenany ny fitsanganana amin’ny maty. Natao batisa tamin’ny 2006

Nanambady an’i Marina tamin’ny 2011. Manana zanakavavy iray ry zareo

Fantatra hoe voan’ny kansera i Yevgeniy tamin’ny 2022

Resadresaka nifanaovana taminy

Inona no manampy anao hifantoka amin’ny zavatra mampahery foana amin’izao ianao enjehina izao?

Faly kokoa aho rehefa maka fotoana hisaintsainana ny fitahiana azoko isan’andro. Ezahiko tadidina foana koa hoe na dia avelan’i Jehovah hiharan’ny fanenjehana aza aho, dia tsy hoe izy akory no mahatonga an’ilay izy. Tsy ho ela izy dia hanafoana ny tsy rariny rehetra mahazo ny mpanompony tsy mivadika. Tena zava-dehibe koa ny hoe mifikitra amin’i Jehovah sy amin’ireo rahalahy sy anabavy. Nisy anabavy izay niteny tamiko hoe: “Tena mampahery be ny mahita anao mitsiky. Manampy ahy mba hatoky tena sy tsy hatahotra ny mahita anao faly foana na dia enjehina aza.” Tena faly aho hoe anisan’ny fianakavian’i Jehovah.

Aleksandr Votyakov

Teraka: 1973 (Ijevsk)

Mombamomba azy: Mpanao fanorenana

Nanambady an’i Liliya tamin’ny 1995

Gaga izy nahita ny fiovana tsara nataon’ny vadiny rehefa lasa Vavolombelon’i Jehovah. Natao batisa tamin’ny 2006 i Aleksandr

Resadresaka nifanaovana taminy

Inona ny lesona lehibe nianaranao tamin’iny zava-nitranga iny?

Nianarako hoe tena zava-dehibe ny matoky an’i Jehovah sady tsy misalasala mihitsy hoe hanampy ahy izy. Efa ho enim-bolana aho no nambenana tao an-trano dia tsy afaka niasa, moa ny vadiko koa tena narary be mihitsy tamin’izay. Hitanay anefa hoe tena nanampy anay ny tanan’i Jehovah. Nikarakara anay sy nanome an’izay nilainay ny rahalahy sy anabavy. Gaga ny havanay tsy Vavolombelona rehefa nahita hoe voakarakara tsara izahay. Rehefa tsapako hoe tia be ahy i Jehovah, dia vao mainka aho faly manompo azy.

Hoatran’i Aleksandr sy Yevgeniy, dia raisintsika ho voninahitra lehibe ny hoe ‘manao fanompoana masina’ ho an’i Jehovah “tsy amin-tahotra”, mandritra ny androm-piainantsika.—Lioka 1:74, 75.

Zava-nitranga

14 Aprily 2021

Nosavan’ny mpitandro filaminana ny tranon’i Yevgeniy
13 Desambra 2022

Nampangaina ho mpanao heloka bevava i Aleksandr sy Yevgeniy
14 Desambra 2022

Samy nosavan’ny polisy ny tranon’izy roa lahy. Notazonin’ny polisy i Aleksandr. Voafetra ny toerana azon’i Yevgeniy aleha
15 Desambra 2022

Nafahana i Aleksandr dia avy eo nambenana tao an-tranony
9 Jona 2023

Tsy ambenana ao an-tranony intsony i Aleksandr, fa voafetra ny toerana azony aleha
17 Aogositra 2023

Nanomboka ny fitsarana azy ireo

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO