27 NOVAMBRA 2023
ROSIA

‘Handamina ny Zava-drehetra i Jehovah’

HANDEFA

Tsy ho ela ny Fitsaram-paritr’i Dzerzhinskiy any Yaroslavl dia hamoaka didy momba ny Rahalahy Anton Kokovin. Mbola tsy nilaza ny sazy tokony hampiharina aminy ny mpampanoa lalàna hatreto.

Ilay voampanga

Anton Kokovin

Teraka: 1990 (Yaroslavl, Faritanin’i Yaroslavl)

Mombamomba azy: Injeniera momba ny fitaovam-pifandraisana

Mbola kely izy dia efa nampianarin’ny mamany ny torolalan’ny Baiboly. Nanomboka nieritreritra momba ny fiainana izy rehefa tanora. Natao batisa tamin’ny 2009 ka lasa Vavolombelon’i Jehovah

Resadresaka nifanaovana taminy

Inona no manampy anao hatoky foana an’i Jehovah?

Naminany i Jesosy hoe tsy maintsy henjehina ny mpanara-dia azy. Fantatr’i Jehovah àry hoe inona no mahazo ahy ary ahoana no hanampiana ahy. Mifanaraka tsara foana amin’izay ilaiko mba tsy hivadihana aminy ny tari-dalana azoko amin’ny alalan’ny Teniny sy ny fandaminany. Nosaintsainiko koa ilay voalazan’ny Salamo 30:11 hoe: “Novanao ho fandihizana ny fisaonako; nesorinao ny akanjo gony nanaovako, dia nampitafianao fifaliana aho.” Mbola tsy fantatro daholo hoe inona no mety hitranga amiko. Matoky anefa aho fa ho tanteraka amiko io andininy io. Fantatro hoe handamina ny zava-drehetra amin’ny fomba mety indrindra i Jehovah.

Matoky koa isika fa hitahy ny finoana sy ny fiaretan’izay misafidy ny hanohana ny zony hitondra i Jehovah.—Hebreo 11:6.

Zava-nitranga

18 Mey 2022

Nampangaina ho mpanao heloka bevava
19 Mey 2022

Nosavana ny tranony. Natao famotorana
6 Jona 2022

Nampangaina tamin’ny fomba ofisialy hoe nandray anjara tamin’ny asa ataon’ny fikambanana iray mampidi-doza ary tsy navela hanao dia lavitra
29 Mey 2023

Nanomboka ny fitsarana azy

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO