3 JONA 2024
ROSIA

‘I Jehovah no Sarobidy Indrindra Amiko’

HANDEFA

Tsy ho ela ny Fitsaram-paritr’i Vyselkovskiy any amin’ny Faritanin’i Krasnodar dia hamoaka ny didim-pitsarana momba ny raharaha mahakasika ny Ranabavy Yelena Gadrshina. Tsy mbola nilaza ny sazy tokony homena azy ny mpampanoa lalàna.

Ilay voampanga

Yelena Gadrshina

Teraka: 1958 (tany Bazarny Sygan, faritr’i Oulianovsk)

Mombamomba azy: Mpanao kaonty no asany taloha fa efa misotro ronono izy izao

Manan-janakavavy iray izy

Nanomboka nianatra Baiboly niaraka tamin’ny Vavolombelon’i Jehovah, dia nampahery azy ny nahafantatra hoe hitondra ny tena fiadanana ny Fanjakan’Andriamanitra. Natao batisa tamin’ny 1999

Resadresaka nifanaovana taminy

Inona no manampy anao tsy hatahotra?

Hoy ny Salamo 74:22: “Mitsangàna, Andriamanitra ô, aoka ianao hiaro tena eny amin’ny fitsarana.” Manampy ahy io andininy io hitadidy hoe ny anaran’i Jehovah no voakasika amin’ilay fitsarana, dia tsy maintsy hanampy ahy hiaro an’io anarany io izy. Manampy ahy tsy hatahotra be koa ny mitadidy hoe inona no tena sarobidy indrindra eo amin’ny fiainako. Ny masoandro izao no eo afovoan’ny planeta, dia mihodina manodidina azy ireo planeta ireo, dia lasa mirindra tsara ny zavatra rehetra. Dia hoatr’izany koa aho. I Jehovah no ataoko hoatran’ny hoe afovoany eo amin’ny fiainako, izany hoe izy no sarobidy indrindra amiko, dia lasa mandeha tsara ny fiainako.

Faly isika mahafantatra hoe afaka miantehitra amin’i Jehovah hoatran’i Yelena isika, dia hampiasa ny heriny izy mba hiarovana antsika.—Salamo 54:1, 2.

Zava-nitranga

13 Febroary 2022

Nosavana ny tranony. Nalain’ny manam-pahefana ny fitaovana elektronika nananany sy ny karta fakany vola ary ny antontan-taratasy mombamomba azy
15 Jona 2023

Nampangaina ho mpanao heloka bevava
10 Aogositra 2023

Natao famotorana ary tsy nahazo nanao dia lavitra
30 Janoary 2024

Nanomboka ny fitsarana

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO