5 OKTOBRA 2021
ROSIA

Manampy An’i Vitaliy Omelchenko Hiatrika Fanenjehana ny Torohevitra Tsara Azony

HANDEFA

Zava-nitranga

Tsy ho ela ny Fitsaram-paritr’i Mourmansk dia hamoaka didy momba ny Rahalahy Vitaliy Omelchenko. a Mbola tsy fantatra ny sazy angatahin’ny mpampanoa lalàna hampiharina aminy
29 Janoary 2021

Nakarina fitsarana ny raharaha momba an’i Vitaliy
20 Janoary 2020

Nosamborin’ny polisy mba hatao famotorana. Notazonina roa andro, izay vao nafahana. Tsy navela hiresaka amin’ireo olona tafiditra amin’ilay raharaha sady tsy nahazo nampiasa Internet
23 Desambra 2019

Niampanga an’i Vitaliy ny Komity Mpanao Famotorana ao Amin’ny Federasionan’i Rosia, any amin’ny Faritanin’i Mourmansk. Nolazaina fa nanao heloka bevava izy satria nanao zavatra mifandray amin’ny fivavahan’ny Vavolombelon’i Jehovah tao an-tranony

Ilay voampanga

Vitaliy Omelchenko

Teraka: 1979 (Roslyakovo, Faritanin’i Mourmansk)

Mombamomba azy: Tia mandihy sy mikorisa eo ambony ranomandry ary mihira. Nanao miaramila nandritra ny roa taona

Nanomboka nianatra Baiboly tamin’ny Vavolombelon’i Jehovah tamin’ny 2000. Natao batisa tamin’ny 2001. Nanambady an’i Natalya tamin’ny 2013. Narary mafy i Natalya herintaona taorian’izay ary lasa malemy

Resadresaka nifanaovana taminy

Nisy zavatra mampahery notenenin’ny olona anao ve nanampy anao hiaritra ny fitsapana mahazo anao?

Misy rahalahy iray izay, raisiko hoatran’ny dadako mihitsy. Nanoratra taratasy ho ahy izy tamin’izy nogadraina. Hozy izy: “Efa nisy fotoana isika nifampiresaka hoe tena ilaina ny manana herim-po, tsy mivadika, matoky tanteraka an’i Jehovah, ary tsy misalasala mihitsy hoe hanampy antsika izy. Tonga izao ny fotoana hampisehoantsika an’ireo amin’ny zavatra ataontsika.”

Inona no nanampy anao tsy ho kivy rehefa nisy nilaza lainga momba anao?

Milaza ny Matio 5:11 fa ‘hamoronan’ny olona lainga hoe nanao an’izao zava-dratsy rehetra izao’ isika. Ezahiko tadidina foana io, dia izany no nahavitako niaritra ny lainga rehetra nolazaina momba ahy teny amin’ny fitsarana. Ataoko an-tsaina foana koa hoe tsinontsinona ny olombelona raha oharina amin’i Jehovah.

Inona ny torohevitra homenao an’izay miomana ho amin’ny fanenjehana raha te hampiasa tsara ny fotoanany ry zareo?

Mivavaha amin’i Jehovah mba hampiany ho be herim-po sy hatoky azy, na dia amin’ny zavatra madinika aza. Manatreha foana fivoriana dia mazotoa mandray anjara rehefa any. Miaraha manompo amin’ireo rahalahy sy anabavinao. Hahatsiaro ho akaiky foana ny mpiara-manompo isika amin’izay rehefa tonga ny fanenjehana.

Mandray soa be dia be avy amin’ny toro lalana sy ny fampaherezana azony avy ao amin’ny Soratra Masina i Vitaliy, ary tena mampahery antsika ny modely tsara omeny.—Romanina 15:4.

a Matetika no tsy fantatra mialoha ny daty hivoahan’ny didim-pitsarana.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO