Nomelohin’ny Fitsaram-paritr’i Metallurgichesky any Tcheliabinsk ny rahalahy 75 taona atao hoe Vladimir Suvorov, tamin’ny 1 Jolay 2021. Nahazo sazy mihantona enina taona izy.

Vladimir Suvorov

• Teraka: 1946 (tany Tcheliabinsk)

• Mombamomba azy: Nikojakoja milina sy nanao tantara an-tsehatra no asany. Efa talen’ny Foiben’ny Kolontsaina Sovietika koa izy taloha. Tia mamoron-kira sy mitendry gitara izy

  Nivady izy sy Valentina tamin’ny 1973. Natao batisa tamin’ny Vavolombelon’i Jehovah izy tamin’ny 1993. Nanan-janaka lahitokana atao hoe Igor izy ireo. Matin’ny kansera i Igor tamin’ny 2014

Nampangaina hoe mpanao heloka bevava i Vladimir Suvorov, rahalahy 75 taona any Tcheliabinsk, tamin’ny 16 Janoary 2020. Nampangain’ny mpanao famotorana i Vladimir satria nandamina fotoam-pivavahana, anisan’izany ny hoe nihira hiram-pivavahana sy nivavaka ary niresaka momba ny Baiboly.

Nanomboka nanadihady azy ny polisy tamin’ny Febroary 2020, ary tsy navela niala teo an-toerana izy. Voaheloka tamin’ny fomba ofisialy hoe mpanao heloka bevava izy tamin’ny 17 Jona 2020. Nohazavain’i Vladmir fa ny zava-tsarotra vokatr’ireny tsy rariny nahazo azy ireny no anisan’ny fitsapana mafy indrindra teo amin’ny fiainany. Hoy anefa izy: “Tsy nanary anay izany mihitsy i Jehovah Andriamanitra. Vao mainka mihamafy foana ny fifandraisanay aminy. Hoatran’ny hoe hitanay mihitsy ny tanan’i Jehovah manampy anay. Mampiasa ny mpiara-manompo ao amin’ny fiangonanay sy any amin’ny fiangonana hafa izy mba hampaherezana sy hanatanjahana ary hampiononana anay.”

Voaheloka i Valentina, 73 taona tamin’ny 11 Martsa 2021. Ilay fitsarana mitsara an’i Vladimir ihany no nanome azy sazy mihantona roa taona. Samy matoky izy mivady a hoe mbola hanohana azy ireo foana i Jehovah.—Salamo 118:6.