9 NOVAMBRA 2022
ROSIA

Migadra Enin-taona ny Rahalahy Andrey Danielyan

HANDEFA

Nomelohin’ny Fitsaran’i Rubtsovskiy, any amin’ny Faritanin’i Altaï, ny Rahalahy Andrey Danielyan, tamin’ny 7 Novambra 2022, ka nosaziny enin-taona any am-ponja. Tonga dia nogadraina teo no ho eo izy.

Zava-nitranga

25 Mey 2021

Nanomboka ilay raharaha, rehefa avy narahi-maso an-tsokosoko amam-bolana ny zavatra nataon’i Andrey
26 Mey 2021

Nosavana ny tranony. Voatana i Andrey sy ny vadiny dia natao famotorana. Tsy navela hiala tao amin’ny faritra nisy azy i Andrey
13 Jolay 2022

Voaheloka tamin’ny fomba ofisialy satria hoe nandamina ny asan’ny fikambanana mampidi-doza
5 Septambra 2022

Nanomboka ny fitsarana
7 Novambra 2022

Voaheloka higadra enin-taona

Ilay voampanga

Andrey Danielyan

Teraka: 1969 (tany Aleysk, Faritanin’i Altaï)

Mombamomba azy: Mpanadio tany amin’ny sekoly iray no asany

Faly izy nahafantatra hoe na dia nosimban’ny olombelona aza ny tany dia mbola haverin’Andriamanitra amin’ny laoniny. Natao batisa dia lasa Vavolombelon’i Jehovah tamin’ny 1992

Nanambady an’i Nina tamin’ny 1997

Resadresaka nifanaovana taminy

Inona no manampy anao tsy hivadika mihitsy? a

Tena sarotra ny fiainana amin’izao dia mety mbola vao mainka hihasarotra aza amin’ny hoavy. Te hiaritra aho, nefa raha hoe faniriana fotsiny tsy ampy. Raha te handresy amin’ny fifaninanana hazakazaka, ohatra, ny atleta iray dia tsy maintsy miomana sy manao fanazaran-tena mafy aloha be izy. Dia izao koa aho no tokony handinika ny fifandraisako amin’i Jehovah, dia amin’izay aho mahavita tsy mivadika rehefa any aoriana any. Vao mainka aho matoky an’i Jehovah rehefa mieritreritra an’izany, dia izy no ianteherako hanampy an’ahy ho be herim-po sy hanam-paharetana ary hatanja-tsaina. Hozy ny apostoly Paoly ao amin’ny 1 Timoty 4:8: “Mahasoa kely ihany mantsy ny mampiasa vatana, fa ny mahafoy tena ho an’Andriamanitra kosa no mahasoa amin’ny zava-drehetra. Ahazoana fitahiana amin’izao fiainana izao sy amin’ilay fiainana ho avy mantsy izany, araka ny efa nampanantenaina.”

Mahafinaritra erỳ fa tena ohatra tsara i Andrey sy ny rahalahy sy anabavy be dia be hafa, satria tapa-kevitra ny hahafoy tena ho an’Andriamanitra ry zareo, sady mibanjina an’ilay ‘fiainana ho avy, araka ny efa nampanantenaina.’—1 Timoty 4:8.

a Afaka niresaka tamin’ny Rahalahy Danielyan izahay taloha kelin’ny nanamelohana azy.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO