Nofoanan’ny fitsarana any Khanty-Mansiysk, any Rosia, tamin’ny 7 Martsa 2019, ny didim-pitsarana navoakan’ny fitsarana ambaratonga voalohany any Sourgout, izay nanameloka ny Rahalahy Artur Severinchik. Tsy tanana am-ponja vonjimaika intsony àry izy nanomboka tamin’ny 15 Martsa.

Iray tamin’ireo rahalahy telo notanana am-ponja vonjimaika nanomboka tamin’ny 17 Febroary izy, taorian’ny bemidina natao tany Sourgout sy Lyantor. Tsy neken’ilay fitsarana anefa ny nanafahana an’i Yevgeniy Fedin sy Sergey Loginov.

Manara-maso akaiky an’io raharaha io ny fianakaviambe iraisam-pirenena. Namoaka didy ny Fitsarana Eoropeanina Momba ny Zon’olombelona hoe tsy maintsy jerena ny fahasalaman’ny Rahalahy Loginov, ary dokotera tsy miankina amin’ny fanjakana no tokony hanao an’izany. Niharan’ny fampijaliana ara-batana mantsy izy tany am-ponja.

Faly isika hoe nafahana ny Rahalahy Severinchik. Mivavaka foana isika mba hatoky an’i Jehovah ireo rahalahintsika migadra any Rosia. Enga anie ka ho tadidin’izy ireo foana hoe manohana azy ireo i Jehovah ka “tsy hangozohozo” mihitsy izy ireo!—Salamo 16:8.