Nafahana avy tao amin’ny fonja iray ao amin’ny tanànan’i Rostov-on-Don, any Rosia, ny Rahalahy Aleksandr Shcherbina tamin’ny 22 Febroary 2023. Notanana am-ponja vonjimaika nandritra ny 79 andro izy, dia avy eo nalefa tany am-ponja nandritra ny 609 andro indray, izany hoe efa ho 2 taona izy no nigadra.

Nilaza i Aleksandr taloha kelin’ny nifaranan’ny fitsarana azy hoe tena nampahery azy ny tantaran’i Mordekay ao amin’ny Baiboly. Hoy izy: “Tsy natahotra an’i Hamana i Mordekay na dia fahavalo nampidi-doza aza i Hamana. Tsy te hivadika tamin’i Jehovah mihitsy i Mordekay na inona na inona mitranga. Izay no zava-dehibe indrindra taminy. Nisaintsaina ny tantarany aho dia nanampy ahy izany mba ho be herim-po foana.”

Mankasitraka ny modely omen’i Aleksandr isika. Faly koa isika hoe ho afaka hifankahita amin’ny namany sy ny fianakaviany indray izy, dia ‘hiorina tsara amin’ny finoana’ foana noho ny fitahian’i Jehovah.​—1 Korintianina 16:13.