10 JONA 2024
ROSIA

Nahazo Sazy Mihantona Roa Taona ny Rahalahy Igor Kasabov

HANDEFA

Nomelohin’ny Fitsaram-paritr’i Oktyabrskiy any Tambov ny Rahalahy Igor Kasabov, tamin’ny 14 Mey 2024. Nahazo sazy mihantona roa taona izy. Mbola tsy naiditra am-ponja aloha izy izao.

Ilay voampanga

Igor Kasabov

Teraka: 1955 (tany Bakou, Azerbaïdjan)

Mombamomba azy: Niasa tamin’ny orinasa momba ny fitaterana ana habakabaka taloha. Efa misotro ronono amin’izao

Nanambady an’i Irina tamin’ny 1981

Niara-nianatra Baiboly tamin’ny Vavolombelon’i Jehovah izy mivady. Nahafaly azy ireo ny nahafantatra hoe hitondra fiadanana sy hanao ny rariny eran-tany Andriamanitra amin’ny ho avy. Niara natao batisa izy mivady tamin’ny 1993

Resadresaka nifanaovana taminy

Tantaran’iza ao amin’ny Baiboly no tena mampahery anao?

Isaky ny mitady ho kivy aho dia mieritreritra tantaran’olona vitsivitsy ao amin’ny Baiboly, anisan’izany ny an’i Habakoka. Tena mampahery ahy ny tantarany satria nisy fotoana izy nila nianatra niandry an’i Jehovah. Dia izaho koa mbola mila miezaka ny hanam-paharetana. Tapaka lalan-dra ny vadiko, taona vitsivitsy lasa izay, dia izaho indray tratran’ny aretim-po. Lasa voafetra ny zavatra azonay roa atao noho izany. Fa matoky anefa izahay hoe mbola mankasitraka anay i Jehovah. Raha ny marina aza, dia tamin’ity fanenjehana ity izahay vao tena nahatsapa hoe akaiky be anay izy. Mbola tia anay foana izy satria be dia be ny fanampiana omeny anay.

Matoky isika hoe hitahy an’i Igor sy Irina foana i Jehovah satria ry zareo miantehitra amin’ny heriny.—Habakoka 3:19.

Zava-nitranga

11 Aprily 2023

Nosavana ny tranony, dia nalain’ny manam-pahefana ny fitaovana elektronika tao aminy
12 Aprily 2023

Nampangaina ho mpanao heloka bevava
28 Martsa 2024

Nanomboka ny fitsarana azy
14 Mey 2024

Nomelohina ary nahazo sazy mihantona roa taona

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO