31 JOLAY 2024
ROSIA

Nahazo Sazy Mihantona ny Ranabavy Yuliya Globa

HANDEFA

Nomelohin’ny Fitsaram-paritr’i Unechenskiy any amin’ny Faritanin’i Bryansk ny Ranabavy Yuliya Globa, tamin’ny 25 Jona 2024. Nahazo sazy mihantona roa taona sy tapany izy. Mbola tsy migadra izy izao.

Ilay voampanga

Yuliya Globa

Teraka: 1982 (tany Ukraine)

Mombamomba azy: Mpampianatra teny anglisy

Nampiady saina azy ny hoe manao ahoana isika rehefa maty. Nampahery azy ny valiny azony tao amin’ny Baiboly. Lasa Vavolombelon’i Jehovah i Yuliya sy ny zandriny roa vavy rehefa natao batisa tamin’ny 2003

Nanambady an’i Ernst tamin’ny 2018

Resadresaka nifanaovana taminy

Inona no manampy anao hifandray akaiky amin’i Jehovah foana mandritra an’izao fotoan-tsarotra izao?

Nisy ranadahy izay nampahatsiahy ahy sy Ernst, indray mandeha, hoe tsy ady eny amin’ny fitsarana fotsiny ity fanenjehana ity fa ady ara-panahy. Dia mandresy isika amin’i Jehovah rehefa miaritra foana. Lasa tony sy milamin-tsaina aho rehefa mitadidy an’izany. Faly aho hoe mahavita tsy mivadika amin’i Jehovah mihitsy.

Manampy ahy ihany koa ny vavaka. Manao lisitr’ireo fitahiana azoko mandritra ny andro aho isan-kariva. Dia avy eo aho mivavaka amin’i Jehovah sy misaotra azy noho ireny fitahiana ireny. Manome toky ahy izany hoe eo akaikiko eo foana i Jehovah sady mamihina ahy.

Faly isika mahalala hoe afaka mamboraka ny ao am-pontsika amin’i Jehovah koa isika, sady afaka matoky hoe fialofana ho antsika izy.—Salamo 62:7, 8.

Zava-nitranga

31 Mey 2023

Nampangaina ho mpanao heloka bevava
22 Jona 2023

Nosavana ny tranony. Natao famotorana i Yuliya sy Ernst
28 Septambra 2023

Tsy nahazo nanao dia lavitra
31 Janoary 2024

Nanomboka ny fitsarana azy
25 Jona 2024

Nomelohina sady nomena sazy mihantona roa taona sy tapany

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO