20 JANOARY 2022
ROSIA
Niantehitra Tamin’ny Herin’ilay Mpamorona Azy ny Rahalahy Fito any Rosia
Tsy ho ela ny Fitsaran’i Petchora any amin’ny Repoblikan’i Komi dia hamoaka didim-pitsarana momba ny Rahalahy Nikolay Anufriyev, Eduard Merinkov, Gennadiy Polyakevich, Aleksandr Prilepskiy, Viktor Shchannikov, Gennadiy Skutelets, ary Aleksandr Vorontsov. Mbola tsy nolazain’ilay mpampanoa lalàna ny sazy omena azy ireo.
Zava-nitranga
28 Janoary 2020
Nanao savahao trano 12 ana fianakaviana Vavolombelon’i Jehovah tany amin’ny Repoblikan’i Komi ny manam-pahefana. Nampangaina hoe mpanao heloka bevava ny Rahalahy Polyakevich sy Skutelets
30 Janoary 2020
Notanana am-ponja vonjimaika i Gennadiy Polyakevich, dia i Gennadiy Skutelets indray nambenana tao an-trano
20-25 Mey 2020
Natao famotorana koa ny mpiara-manompo sasany tany Petchora, mba hijerena raha mpanao heloka bevava koa ry zareo. Tapaka lalàn-dra ny rahalahy iray fa norahonan’ny mpanao famotorana iray. Efa sitrana izy izao
26 Jona 2020
Nohalavaina ny fotoana nitanana an’i Gennadiy Polyakevich tany am-ponja. Nilaza ilay mpitsara fa voampanga ho “nanao fanahy iniana nanao heloka bevava i Gennadiy Polyakevich.” Anisan’ny heloka bevava nataony, hono, ny niteny hoe “mila manohy manompo an’i Jehovah na dia enjehin’ny manam-pahefana aza”
24 Aogositra 2020
Nanao savahao trano 12 fanampiny ana fianakaviana Vavolombelon’i Jehovah ny manam-pahefana
10 Novambra 2020
Nampangaina hoe mpanao heloka bevava i Aleksandr Prilepskiy, Aleksandr Vorontsov, Eduard, Nikolay, ary Viktor. Nampiarahina tamin’ilay raharaha mahakasika an’i Gennadiy Polyakevich sy Gennadiy Skutelets io raharaha io
25 Novambra 2020
Nafahana i Gennadiy Polyakevich dia avy eo nambenana tao an-trano, rehefa avy notanana am-ponja vonjimaika nandritra ny 300 andro
27 Janoary 2021
Nafahana i Gennadiy Skutelets rehefa avy nambenana tao an-trano nandritra ny 363 andro
Ilay voampanga
Matoky isika fa hovalian-tsoa be ny mpiara-manompo amintsika, na amin’izao na amin’ny hoavy, satria mino hoe tsara toetra i Jehovah.—Salamo 27:13.