Nolavin’ny fitsarana any Koursk, tamin’ny 10 Febroary 2021, ny fangatahan’ny Rahalahy Dennis Christensen mba havoaka aloha kokoa. Nangataka tamin’ilay fitsarana izy mba hosoloana onitra ny fotoana ambiny tokony hijanonany any am-ponja. Efa herintaona mahery izay i Dennis no nahafeno fepetra hafahana mialoha, nefa nolavina foana ny fangatahany.

Nanoratra ho an’i Irina vadiny i Dennis, vao haingana. Noresahiny tao ny andinin-teny iray anisan’ny tena tiany, hoe: “Koa aoka isika tsy ho sasatry ny manao ny tsara, satria amin’ny fotoana voatondro no hijinjantsika raha tsy reraka isika.” (Galatianina 6:9) Nilaza izy hoe azony antoka fa hamaly soa azy mivady i Jehovah raha manao ny tsara foana izy ireo, manampy olona, ary tsy kivy mihitsy. Nolazainy koa hoe tiany raha matanjaka ara-panahy kokoa izy rehefa mivoaka ny fonja, raha oharina amin’ny tamin’izy niditra tao.

Efa tamin’ny Mey 2017 i Dennis no nosarahina tamin’i Irina, izany hoe efa ho efa-taona. Modely ho antsika izy mivady satria matoky an’i Jehovah, tony foana, ary tena tapa-kevitra ny tsy hivadika mihitsy.—Filipianina 1:14.